“Ɔ kannin Ɲanmiɛn Sielɛ’n i ndɛ, [. . .] sran fi w’a tɛnndɛnmɛn i ɲrun”

Fluwa’n i akpasua nga nun’n, é wá wún kɛ sran kpanngban be fali Pɔlu i wun ya yɛ be yoli i tɛtɛ. Asa ekun’n, be trɛli i be wlɛli i bisua, kpɛkun ɔ kplili i Ɲanmiɛn sulafilɛ’n i ti Rɔmun famiɛn wie’m be ɲrun. Sanngɛ blɛ kwlaa sɔ’n nun’n, Pɔlu w’a yaciman Ɲanmiɛn Sielɛ’n i jasin’n i bolɛ. Y’a ju Sa Nga Be Yoli’n fluwa’n i atabo’n su. Kɛ é fá e ɲin síe Biblu’n i bue sɔ’n su’n, maan e tinuntinun e usa e wun kɛ: ‘?Wafa sɛ yɛ n kwla bo jasin fɛ’n juejue su nin yakpa su kɛ Pɔlu sa-ɔ?’