‘N ti kɛ bua sa Zoova yɛ ɔ nian min su ɔ’

1. Zoova yɛ ɔ nian min su ɔ.

?Ngue ti yɛ srɛ kún min ɔn?

Afin ɔ niɛn i bua’m be lika,

I wla fi’a be nun wie fi.

Ɔ fa min kɔ nzue ba fɔun’n nuan,

Sɛ n fɛ’n n ɲan wunmiɛn.

I dunman’n ti ɔ kle min atin’n,

Ɔ kle min atin kpafuɛ’n.

I dunman’n ti ɔ kle min atin’n,

Ɔ kle min atin kpafuɛ’n.

2. Kɛ n o kunman ble kpa nun’n,

N nanti, srɛ kunman min.

Afin min defuɛ’n kpɔciman min.

I kpɔnman’n ti srɛ kun’an min.

Ɔ gua min ti su ngo fannin.

Min klowa’n yi kpa bu gua.

Ɔ yi aklunye nglo min lika,

Ḿ bá i sua’n nun titi.

Ɔ yi aklunye nglo min lika,

Ḿ bá i sua’n nun titi.

3. Zoova si ngwlɛlɛ, ɔ klo sran!

Ń tó jue ḿ mɛ́nmɛ́n i.

Be nga be ti kɛ bua sa’n, ń sé

Be kɛ ɔ nian sran lika.

Ń tíe i nuan ndɛ’n, ń fá su,

Ń nánti i atin’n su.

I sulɛ’n ti min cenjele nun,

N su yacimɛn i le.

I sulɛ’n ti min cenjele nun,

N su yacimɛn i le.