“N ti kɛ bua sa, Zoova yɛ ɔ nian min su-ɔ”

1. Zoova ti min sunianfuɛ,

Ń fá atin ng’ɔ kle’n su.

Ɔ si sran wafa nga n ti’n weiin,

Ɔ si like ng’ɔ mian min’n.

Ɔ fa min kɔ lika kpa nun,

Naan m’an kwla di aklunjuɛ.

Yɛ ɔ kle min atin klolɛ su kpa

Naan min wla w’a gua ase.

Ɔ kle min atin klolɛ su kpa

Naan min wla w’a gua ase.

2. Ɔ mmla’m be cici sran’m be wla,

Be kle kɛ a ti kpa dan.

Ɔ dunman’n ti’n nian min su titi

Naan n yo sa kpakpa mun.

Sɛ n sin kongo tuun kpa nun’n,

Ɔ kpɔnman’n ti srɛ kun’an min,

A ti min janvuɛ nin min Ɲanmiɛn ti’n,

N nanti, srɛ kunman min.

A ti min janvuɛ nin min Ɲanmiɛn,

N nanti, srɛ kunman min.

3. Zoova, a nian min lika,

Ń fá ɔ atin’n su kpa.

A man min fanngan, min wun jɔ min,

Like fi sa mianman min.

A ti Ɲanmiɛn m’ɔ lafiman’n,

Ɔ maan n lafi ɔ su.

Maan ɔ sran klolɛ’n nin ɔ aklunye’n,

Be ɲin fite min lika.

Ɔ sran klolɛ’n nin ɔ aklunye’n,

Be ɲin fite min lika.