Jue 137
Wla e yakpa
Kɛ é kán ɔ Sielɛ’n i ndɛ,
Mɔ é bó ɔ dunman fɛ’n,
Sran wie mun be tanndan e ɲrun
Be waan bé yó e finfin.
Sanngɛ e sroman sran mun,
Ɔ mmla’n su yɛ é nánti ɔ.
É srɛ́ wɔ, fa ɔ wawɛ’n man e.
Zoova yaci, tie e srɛlɛ’n.
(I SU SƆLƐ)
Yo maan e kan ndɛ’n yakpa su,
Yo naan srɛ w’a kunman e.
Yo maan e kan ndɛ’n juejue su
Naan mɛn nunfuɛ mun be tie.
Armagedɔn yɛ w’a wie ju.
Ka naan w’a ju’n, é srɛ́ wɔ kɛ,
Uka e maan e kan ɔ ndɛ’n.
Tie e srɛlɛ’n.
Kannzɛ bɔbɔ srɛ kwla kun e’n,
A si kpa kɛ e ti fa.
A seli kɛ á súan e bo
E lafi ndɛ sɔ’n su kpa.
Be nga be saci e wun’n,
Be wlanwlan e nán kplin be su.
Yo maan e kan ɔ ndɛ’n tititi,
E bo ɔ dunman’n yakpa su.
(I SU SƆLƐ)
Yo maan e kan ndɛ’n yakpa su,
Yo naan srɛ w’a kunman e.
Yo maan e kan ndɛ’n juejue su
Naan mɛn nunfuɛ mun be tie.
Armagedɔn yɛ w’a wie ju.
Ka naan w’a ju’n, é srɛ́ wɔ kɛ,
Uka e maan e kan ɔ ndɛ’n.
Tie e srɛlɛ’n.
(An nian 1 Tɛs. 2:2; Ebr. 10:35 nun wie.)