Akpasua 5 i su fitilɛ

Kɛ Izraɛlifuɛ’m be kpɛli Jenvie Ɔkwlɛ’n mɔ anglo nɲɔn sinnin’n, be juli Sinai Oka’n i wun lɛ. Lɔ’n, Zoova nin be trali aenguɛ naan be yo i liɛ klonglo. Ɔ sasali be yɛ ɔ mannin be like kwlaa nga be sa miɛn i wun’n. Yɛle kɛ ɔ mannin be manin be dili, ɔ yoli maan be tralɛ mun b’a saciman yɛ ɔ mannin be tranwlɛ kpa. Zoova mannin Izraɛlifuɛ mun be Mmla. Kpɛkun ɔ seli be kɛ be kplan tannin sua kun be mɛn i. Yɛ ɔ kpali sran wie mun kɛ be yo i ɲrun jranfuɛ. Sɛ a le ba’n, ukɛ i naan ɔ wun sa nga ti yɛ Zoova yoli ninnge sɔ mun’n be wlɛ. Kle i kɛ ɔ ti cinnjin kɛ e di ndɛ nga e kan’n su, e yo wun ase kanfuɛ, yɛ e yo Zoova i klun sa titi.