Akpasua 11 i su fitilɛ

Ndɛ akpasua nga nun’n, é wá fá e ɲin síe i Biblu’n i bue nga laa be lɛli i Glɛki nun’n su. Zezi i si nin i nin be tran klɔ kaan kun su. Lɔ yɛ be wuli Zezi-ɔ. Be timan aɲanbeunfuɛ. Zezi nin i si m’ɔ ti waka sɛfuɛ’n be dili junman likawlɛ. Zezi yɛ ɔ́ wá dé klɔ sran mun-ɔn. Zoova fɛli i kɛ ɔ kaci Famiɛn ɲanmiɛn su lɔ. Sɛ a le ba’n, ukɛ i naan ɔ wun i wlɛ kɛ Zoova niannin nun kpa naan w’a fa awlo nga i nun yɛ bé wú Zezi’n, ɔ nin lika nga ɔ́ ɲín’n. Fɛ i ɲin sie i wafa nga Zoova sasali Zezi naan Erɔdu w’a kwlá kunmɛn i’n su. Yɛ kle i kɛ like fi kwlá yoman naan Zoova i klun sa’n w’a kpɛnman su. Yiyi nun kle i kɛ Zoova fali Zan naan ɔ bo Zezi i ɲrun atin. Kpɛkun wafa nga Zezi i kaan nun bɔbɔ’n ɔ kleli kɛ ɔ klo Zoova’n, fɛ i ɲin sie su kpa.