Akpasua 12 i su fitilɛ

Zezi kannin Ɲanmiɛn Sielɛ’n m’ɔ o ɲanmiɛn su lɔ’n i ndɛ kleli sran mun. Ɔ seli be kɛ be srɛ naan Ɲanmiɛn i dunman’n yo sanwun, naan i Sielɛ’n i blɛ’n ju, yɛ i klun sa’n kpɛn su asiɛ’n su wa. Sɛ a le ba’n, ukɛ i naan ɔ wun i wlɛ kɛ ndɛ sɔ mɔ Zezi kannin’n, ɔ ti cinnjin man e. Zezi w’a manman Satan i atin naan ɔ saci ɔ nin Ɲanmiɛn be afiɛn. Ɔ fɛli i akoto mun naan be yo Ɲanmiɛn Sielɛ’n i nun sran klikli mun. Fa ba’n i ɲin sie i wafa nga Zezi tuli i klun suli Ɲanmiɛn’n su. Zezi kunndɛli kɛ ɔ́ úkɛ i wiengu mun. I sɔ’n ti’n, ɔ yoli tukpacifuɛ’m be juejue, ɔ yoli maan sran wie’m be ɲannin aliɛ be dili, yɛ ɔ cɛnnin sran wie mun bɔbɔ. Abonuan sa sɔ’m be kle e like nga Ɲanmiɛn i Famiɛn’n ɔ́ wá yó’n.