Aɲia’n i bo lɔ ndɛ mun

BATƐMUN Amun asa’n su lɔ asɔnun kpɛnngbɛn’m be fali ajalɛ wie mun naan kɛ Fue cɛn nglɛmun aɲia’n wie’n, be kwla yo be ng’ɔ fata kɛ be yo batɛmun’n be batɛmun.

BE KLUNKLO LIKE MANLƐ Be kacili nvle kun aɲia nga aniɛnaniɛn ya nan (400) tra su nun. Amun klunklo like nga amun man’n, ɔ suan mɛn wunmuan’n nun junman nga anuannzɛ’n di’n i bo. Sɛ amun klo kɛ amún mán amun sa ti like’n, amun wɔ ɛntɛnɛti adrɛsi donate.jw.org su. E klun jɔ amun klunklo like kwlaa nga amun man’n su. Ɲanmiɛn i Famiɛn Dilɛ’n i junman’n mɔ amun suɛn i bo klun ufue su’n ti’n, e Anuannzɛ’n i Ɲrun Dinfuɛ’m bé yó amun kwla.

ƝANMIƐN I FAMIƐN DILƐ’N I JASIN BOFUƐ’M BE SUKLU’N Atin Bofuɛ nga be le afuɛ 23 lele fa ju afuɛ 65 mɔ be kunndɛ kɛ bé úka be jasin fɛ’n bolɛ junman’n su’n, be bo su kle asɔnun kpɛnngbɛn ng’ɔ ti be asɔnun’n i nun fluwa klɛfuɛ’n. I liɛ’n, ɔ́ úka be naan b’a klɛ fluwa nga be klɛ su naan b’a kwla tran Ɲanmiɛn i Famiɛn Dilɛ’n i Jasin Bofuɛ’m be Suklu’n i bo’n i su. Fluwa sɔ’n wo ɛntɛnɛti su.