I “yolɛ blɛ” w’a mantan koko — ƐNTƐNƐTI SU FLUWA SIEWLƐ Watchtower

I “yolɛ blɛ” w’a mantan koko

KƐ Ɲanmiɛn nuan ijɔfuɛ Abakiki sa’n, Zezi i sɔnnzɔnfuɛ’m be minndɛli ɲrɛnnɛn’n i awieliɛ’n kpa. Kɛ be sili like nga Ɲanmiɛn Sielɛ’n wá yó naan asiɛ’n su ninnge’m b’a yo kpa’n, be usali Zezi kɛ: “?Blɛ onin yɛ sa sɔ’m bé yó-ɔ, yɛ nguɛ yɛ ɔ ti ɔ balɛ’n [kɛ Ɲanmiɛn Sielɛ’n i famiɛn sa’n] nin mɛn’n i awieliɛ’n i nzɔliɛ nin-ɔn?” (Matie 24:3) Zezi tɛli be su kɛ Ɲanmiɛn Zoova kunngba cɛ yɛ ɔ si blɛ trele nga i Sielɛ’n ɔ́ síe asiɛ’n mlɔnmlɔn ɔn. (Matie 24:36; Mark 13:32) Sanngɛ Zezi nin sran uflɛ’m be kannin ninnge wie mɔ bé wá jú asiɛ’n su mɔ bé klé kɛ blɛ sɔ’n w’a mantan koko ɔ.—An nian kuku ng’ɔ o fama su lɛ’n nun.

?Amun wunmɛn i kɛ i sɔ sa’m be o lika’n kwlaa? Zezi seli ekun kɛ bé wá klé sran’m be like asiɛ wunmuan’n su. I waan: “Bé wá kán Nyanmiɛn sielɛ’n i jasin fɛ nga mɛn wunmuan’n nun naan sran’n kwlaa be ti Nyanmiɛn ndɛ’n. I sin yɛ mɛn i awieliɛ’n ɔ́ jú-ɔ.”—Matie 24:14.

I sɔ yɛ be yo i andɛ ɔ. Zoova i Lalofuɛ’m be su di i sɔ junman’n. Nvlenvle 236 nun’n, Zoova i Lalofuɛ miliɔn nso tra su be kan like nga Ɲanmiɛn Sielɛ’n wá yó’n i ndɛ kle be wiengu mun. Kpɛkun be uka be naan b’a nanti Ɲanmiɛn m’ɔ klo kɛ afɛ’n nin ɲrɛnnɛn’n be wie’n, i mmla’m be su. Maan amun suan Ɲanmiɛn Sielɛ’n i su like titi. I liɛ’n mɛn kun mɔ ɲrɛnnɛn’n su tranman nun kun’n, amún kwlá trán nun wie tititi.

[Kuku, bue 8]

Biblu’n nun ndɛ mma nga be kan blɛ kasiɛn’n i ndɛ’n

MATIE 24:6, 7; SA NGLO YILƐ 6:4

• Alɛ mɔ be nin a wunmɛn i wunsu le’n.

MATIE 24:7; MARK 13:8

• Asiɛ’n kéje.

• Awe’n kpɛ́n.

LIK 21:11; SA NGLO YILƐ 6:8

• Tukpacɛ m’ɔ sa ndɛndɛ’n.

MATIE 24:12

• Sa tɛtɛ’n wá sɔ́n.

• Sran klolɛ’n wíe.