BIBLU’N I SU KOSAN’M BE SU TƐLƐ

?Ngue ti yɛ be flɛ Zezi kɛ Ɲanmiɛn Wa ɔ?

Ɲanmiɛn leman bla naan ɔ nin i b’a wu ba. I yɛ ɔ ti ninnge kwlaa nga be o nguan nun’n, be Yifuɛ ɔ. Wafa ng’ɔ boli klɔ sran mun ti’n, be kwla nian i ninnge yolɛ wafa’n su. Adam m’ɔ ti klɔ sran klikli nga Ɲanmiɛn yili’n, be flɛ i “Nyanmiɛn wa.” Afin ɔ kwla nian Ɲanmiɛn i ninnge yolɛ wafa’n su. Zezi kusu, kɛ mɔ Ɲanmiɛn yili i mɔ i nzuɛn fa i Si Ɲanmiɛn liɛ’n ti’n, be flɛ i “Nyanmiɛn Wa” wie.​—An kanngan Lik 3:38 nin Zan 1:14, 49 nun.

?Blɛ benin yɛ be yili Zezi ɔ?

Ɲanmiɛn dun mmua yili Zezi naan w’a yi Adam. Kɛ Ɲanmiɛn yili Zezi’n, ɔ sinnin i lika naan w’a yi ninnge onga mun nin anzi bɔbɔ mun wie. I sɔ’n ti yɛ Biblu’n flɛ Zezi kɛ Ɲanmiɛn i ‘Wa Kpɛn’n’ niɔn.​—An kanngan Kolɔsfuɛ Mun 1:15, 16 nun.

Ka naan b’a wu Zezi Bɛtleɛmu lɔ’n, ɔ ti aolia nun sran ɲanmiɛn su lɔ. Kɛ i blɛ juli’n, Ɲanmiɛn fɛli i nguan’n wlali Mali i ku sɛ’n nun naan w’a wu i klɔ sran.​—An kanngan Lik 1:30-32 nin Zan 6:38 nin 8:23 nun.

?Ngue ti yɛ Ɲanmiɛn yoli maan be wuli Zezi klɔ sran ɔn? ?Like ngunmin kun benin yɛ Zezi wa yoli ɔ? Kosan sɔ’m be su tɛlɛ’n o Biblu’n nun. Kɛ amún wá wún be’n, amún wún like nga Ɲanmiɛn nin Zezi be yoli mannin amun’n i wlɛ kpa ekun. Kpɛkun, amún bú like sɔ’n i like dan kpa trá laa’n.

Sɛ amun kunndɛ kɛ amún sí nun ekun’n, an nian fluwa ng’ɔ o lɛ’n ?Ngue like yɛ Biblu’n kle i sakpasakpa ɔ? i ndɛ tre 4 nun. Zoova i Lalofuɛ mun yɛ be yili ɔ.

[Foto, bue 32]

Ka naan b’a wun Zezi Bɛtleɛmu lɔ’n, ɔ ti aolia nun sran ɲanmiɛn su lɔ.