NDƐ NG’Ɔ KLƐ FLUWA’N SU’N: ƝANMIƐN SULƐ WAFA KUN O LƐ MƆ BE KWLA LAFI I SU Ɔ?

?Ɲanmiɛn sulɛ wafa nga e o nun’n ti kpa?

Maan ɔ yo amun kɛ amun a tɔ tukpaciɛ kekle kpa sa, naan ɔ fata kɛ be kpaci amun nun. Dɔɔtrɔ ng’ɔ wá dí i sɔ junman’n, saan amún kúnndɛ kɛ amún sí i kpa. Yɛle kɛ sɛ ɔ si i junman’n di annzɛ ɔ simɛn i di o, amún úsaúsa nun kpa. I sin yɛ amún kplin su kɛ ɔ kpaci amun nun ɔn. Afin sran fi kunndɛman kɛ ɔ́ fɛ́ i nguan cící koko nɲa nun.

I kunngba’n yɛle Ɲanmiɛn sulɛ wafa nga amun o nun’n. Ɔ fata kɛ amun usausa nun kpa be nian. Afin sɛ cɛn wie lele amún ɲán nguan’n, ɔ fin i. Sɛ kusu amún mlín’n, ɔ fin i.

Sɛ Ɲanmiɛn sulɛ wafa kun ti kpa annzɛ ɔ timan kpa’n, Zezi kle e like nga e kwla fa sie i nzɔliɛ’n. Ɔ seli kɛ: “Kɛ waka kun ti’n, yɛ i mma’n ti-ɔ.” (Lik 6:44) ?Ɔ maan sɛ Ɲanmiɛn sulɛ wafa’m be ti waka’n, é sé kɛ mma benin yɛ be su ɔ? ?Yɛle kɛ, kɛ amun niɛn i sa’n, sika yɛ ɔ ti i su kpɛnngbɛn’m be cinnjin ɔn? ?Kɛ Ɲanmiɛn Ndɛ’n se kɛ nán e kun alɛ naan e nanti seiin’n, i nunfuɛ’m be fa su? ?Ɲanmiɛn sulɛ wafa fi nunman lɛ mɔ e kwla fa e wla guɛ i su ɔ? Fluwa nga ɔ́ wá tɛ́ kosan sɔ’m be su.

[Foto, bue 3]

[Ndɛ kwle, bue 3]

“Kɛ waka kun ti’n, yɛ i mma’n ti-ɔ.”—Lik 6:44.