Aniaan kun w’a kaci e anuannzɛ’n i ɲrun dinfuɛ’m be nun kun
Afuɛ nga be flɛ i 2012 nun’n, Sɛptamblu i le 5 m’ɔ ti Mlan cɛn’n, i nglɛmun nun’n, be boli ndɛ fɛ kun su. Be boli su kleli Amlɛnkɛn’m be lɔ nin Kanada lɔ Betɛlifuɛ mun. Be seli be kɛ aniaan kun w’a kaci e anuannzɛ’n i ɲrun dinfuɛ’m be nun kun. Be flɛ i kɛ Mark Sanderson. Afuɛ nga be flɛ i 2012, Sɛptamblu i le 1 i nun yɛ ɔ boli junman’n i dilɛ bo ɔ.
Aniaan bian Sanderson i si nin i nin’n, be ti Zoova i Lalofuɛ. Amlɛnkɛn’m be lɔ akpasua nga be flɛ i Kalifɔrni i klɔ ng’ɔ suan San Diego’n, i su lɔ yɛ be tɛli i ɔ. Be yoli i batɛmu afuɛ nga be flɛ i 1975, Fevrie i le 9 su’n i nun. Afuɛ nga be flɛ i 1983, Sɛptamblu i le 1 su’n, ɔ yoli atin bofuɛ Kanada lɔ klɔ nga be flɛ i Saskatchewan i su lɔ. Afuɛ 1990 nun Desamblu nun’n, ɔ dili suklu nga be flɛ i École de formation ministérielle wie. Siɛn’n, be flɛ i École biblique pour les frères célibataires. Ɔ dili suklu sɔ’n Amlɛnkɛn’m be lɔ. Afuɛ nga be flɛ i 1991, Avrili nun’n, aniaan bian Sanderson kacili ngunmin atin bofuɛ. Ɔ dili i junman’n Kanada lɔ lika nga be flɛ i Terre-neuve i su lɔ. Kɛ ɔ́ kɔ́ i ɲrun’n, ɔ wa yoli akpasua su nianfuɛ’m be ja nunfuɛ kun. Kpɛkun, afuɛ 1997 nun Fevrie nun’n, ɔ yoli Kanada lɔ Betɛlifuɛ. I sin’n, afuɛ 2000 nun Novamblu nun’n, be flɛli i Amlɛnkɛn’m be lɔ Betɛli nun lɔ. Kɛ ɔ juli lɔ’n, ɔ dun mmua dili junman akpasua nga be flɛ i service d’information hospitalier nun. I sin’n, ɔ yoli biolo ng’ɔ nian jasin fɛ’n bolɛ junman’n su’n, i nunfuɛ.
Afuɛ 2008 nun Sɛptamblu nun’n, aniaan bian Sanderson dili Betɛli i komite’n nunfuɛ’m be suklu’n wie. Kpɛkun, be fɛ i ɔli nvle nga be flɛ i Filipini i su lɔ. Ɔ ko kacili lɔ Betɛli i komite’n i nunfuɛ. Afuɛ 2010 nun Sɛptamblu nun’n, be flɛli i Amlɛnkɛn lɔ Betɛli’n i nun lɔ ekun. Kɛ ɔ juli lɔ’n, ɔ kacili e ɲrun dinfuɛ’m be komite ng’ɔ nian jasin fɛ’n bolɛ junman’n su’n, be ukafuɛ.
[Foto, bue 8]
[Kuku bue 8]
Be nga be ti e anuannzɛ’n i Ɲrun dinfuɛ dɔ nga su’n
Be nga be o siɛn’n, kɛ ɔ fɛ i bɛ su kɔ́ fama su’n: David Howard Splane, Anthony Morris III, Douglas Mark Sanderson, Geoffrey William Jackson, Mark Stephen Lett. Be nga be o i ɲrun’n, kɛ ɔ fɛ i bɛ su kɔ́ fama su’n: Samuel Frederick Herd, Gerrit Lösch, Guy Hollis Pierce. Be kwlaa sɔ’n, Ɲanmiɛn kpali be sieli be ngunmin.
[Foto]