BIBLU’N I SU KOSAN’M BE SU TƐLƐ

?Be nga be wuli’n be kwla ɲan nguan ekun?

Be nga b’a wu’n, be ti kɛ sran m’ɔ su lafi’n sa. Be wunman sa wlɛ yɛ be kwlá yoman sa fi. Saan Ɲanmiɛn m’ɔ man e nguan’n yɛ ɔ kwla cɛn be ɔ. Kɛ ɔ ko yo naan sran’m b’a wun i wlɛ kɛ ɔ kwla yo sɔ’n ti’n, i fanngan nun Zezi cɛnnin sran wie mun.​—An kanngan Akunndanfuɛ’n 9:4, 5 nin Zan 11:11, 43, 44 nun.

Ɲanmiɛn i wla w’a fiman be nga be wuli’n be su. Ɔ seli kɛ sɛ i blɛ ju’n, ɔ́ cɛ́n be nun wie mun. Kpɛkun, bé trán mɛn uflɛ kun m’ɔ́ yó sran kpa’m be liɛ’n nun. Ɲanmiɛn m’ɔ kwla like kwlaa yo’n i wun blibli i kɛ ɔ́ yó i sɔ sa liɛ’n.​—An kanngan Ezai 26:19 nun.

?Be nga bé cɛ́n be’n be mɛn dilɛ’n yó sɛ?

Be nga Ɲanmiɛn cɛ́n be’n, bé wún be bɔbɔ be sran wlɛ, yɛ bé wún be janvuɛ nin be osufuɛ’m be wlɛ wie. Kɛ sran kun wu’n, i wunnɛn’n saci. Sanngɛ kɛ Ɲanmiɛn cɛ́n i’n, ɔ mɛn i wunnɛn uflɛ.​—An kanngan 1 Korɛntfuɛ Mun 15:35, 38 nun.

Ɲanmiɛn fá bé nun kaan wie kɔ́ ɲanmiɛn su. (Sa Nglo Yilɛ 20:6) Be onga’m bé ká asiɛ’n su wa. Bé trán mɛn klanman’n nun. Bé bó ninnge’m be yolɛ bo uflɛ. Kpɛkun sɛ be nanti klanman’n, bé ɲán anannganman nguan.—An kanngan Jue Mun 37:29 nin Sa Nga Be Yoli’n 24:15 nun.

Sɛ amun kunndɛ kɛ amún sí nun ekun’n, an nian fluwa ng’ɔ o lɛ’n ?Ngue like yɛ Biblu’n kle i sakpasakpa ɔ? i ndɛ tre 6 nin 7 nun. Zoova i Lalofuɛ mun yɛ be yili ɔ.

A kwla fɛ i ɛntɛnɛti lika nga nun lɔ: www.jw.org

[Foto, bue 32]

?Ngue ti yɛ e kwla se kɛ sran nga w’a wu’n, ɔ ti kɛ ɔ su lafi sa ɔ?