?Biblu’n i akua nga e fa man sran mun’n be ti yɛinyɛin?

Fluwa kwlaa nga é fá mán sran mun’n, i su kosan nga ɔ fata kɛ e usa’n yɛ ɔ o lɛ ɔ. Fluwa nga be nuan’n ti blibliwa’n, mɔ b’a kpa fuai’n, mɔ be ti fiɛn’n annzɛ b’a saci’n, be kwla saci e anuannzɛ’n i dunman’n. Kpɛkun ɔ yo maan ndɛ kpa nga be man nguan’n mɔ be o fluwa sɔ’m be nun’n, sran’m be ɲin kwla kpa su.

?Wafa sɛ yɛ e kwla yo e fluwa’m be cɛcɛ ɔ? Aniaan kpanngban be wun kɛ sɛ be siesie fluwa nga be fa be wun’n be likawlɛ’n, i sɔ’n ti kpa. Ɔ maan be pata’n nun’n, ɔ le lika kun mɔ be sie fluwa dandan mun ɔn, yɛ lika kun mɔ be sie periodiki nin fluwa pɛplɛɛplɛ mun nin fluwa nɲa mun nin ninnge uflɛ wie mun ɔn. Kɛ bé síe be Biblu’n nin fluwa wie mun be pata’n nun’n, be nian su kpa naan b’a saciman fluwa uflɛ wie lɔ. Jasin bofuɛ wie’m be siesie be fluwa mun ninnge kɛ anvelɔpu sa annzɛ potomo sanwun wie sa’n be nun, ka naan b’a fa wlɛ i be pata’n nun. I kwlaa yoli o, e kunndɛman kɛ é yó naan fluwa nga ɔ timan yɛiin mɔ e fa man sran wie’n, i ti’n, be kan e junman’n i wun ndɛ tɛ.—2 Kor. 6:3.