“Sɛ a sɔ min fluwa liɛ’n nun’n, ń sɔ́ ɔ liɛ’n nun wie”

Kɛ e fa e periodiki mun e man sran wie mun’n, kɛ be tɛ su kɛ ngalɛ’n sa. ?Kɛ mɔ e kusu e su kplinman su kɛ é sɔ́ fluwa kun mɔ i nun ndɛ’n timan nanwlɛ’n i nun’n niɔn, wafa sɛ yɛ e kwla tɛ ndɛ kɛ nga sa su amanniɛn su ɔ? (Rɔm. 1:25) E kwla se kɛ: “Ń yó ɔ mo nin min sran bulɛ. ?Nán aɲinsa ɔ, sanngɛ ndɛ benin yɛ ɔ fluwa’n kɛn i like nga Ɲanmiɛn wá yó naan sran’m b’a fite nun’n i su ɔ? [Maan sran’n tɛ kosan’n su. Sɛ ɔ se amun kɛ amun kɛnngɛn i fluwa’n nun naan amun a wun kosan sɔ’n i su tɛlɛ’n, amun kwla se i kɛ amun liɛ kwlaa nga amun fa man sran mun’n, amun bo ndɛ ng’ɔ o nun’n su. I sin’n, an kanngan Matie 6:9, 10 nun, annzɛ amun bo su.] Zezi seli kɛ Ɲanmiɛn i Sielɛ’n wá yó naan i klun sa’n kpɛn su. I ti’n, fluwa nga be kan Ɲanmiɛn i Sielɛ’n i ndɛ’n be ngunmin be nun yɛ n kanngan ɔn. Sɛ a klo’n, ḿ má klé wɔ like trele nga Ɲanmiɛn i Sielɛ’n wá yó’n.”