E jue’m be yo fɛ

Ɲanmiɛn i sufuɛ’m be si kɛ miziki’n ti like kpa kun m’ɔ fin Zoova ɔ. (Zak 1:17) Asɔnun kpanngban nun’n, ka naan aɲia’n w’a bo i bo’n, be bo e jue mun. Yɛ kɛ aɲia’n ko wie’n, i kunngba’n yɛ be yo ɔ. I sɔ’n yo aniaan’m be fɛ. E aɲia’m be bo miziki bolɛ’n, ɔ ti e nun sɔlɛ klanman wafa’n kun. Ɔ uka e maan e akunndan’n tran Ɲanmiɛn mɔ e bɛ i sulɛ’n su. Asa ekun, i sɔ’n uka e, ɔ maan e si e jue uflɛ’m be to kpa. Kɛ aɲia’n ko wie’n, miziki sɔ mɔ be bo’n, ɔ yo maan lika’n i nun yo fɛ. Sɛ e jue Chantons à Jéhovah — Accompagnement au piano, annzɛ kusu Chantons à Jéhovah — Version chantée yɛ bé bó’n, asɔnun kpɛnngbɛn’m be kwla siesie i sɔ’n. Ɔ fata kɛ be yo naan miziki’n i tɛlɛ’n yo sɛsɛ, kɛ ɔ ko yo naan w’a kataman sran’m be yalɛ kokolɛ’n su’n ti.