Ajalɛ nga e kwla fa’n

E bo sran’m be Biblu’n nun like klelɛ bo, Zanvie i Fue cɛn klikli’n nun

“A bu i kɛ be nga be mian be ɲin be nanti Ɲanmiɛn i mmla’m be su’n be di aklunjuɛ tra be wiengu mun?” [Maan sran’n tɛ kosan’n su.] Ndɛ akpasua nga man e akunndan wie mun. Ndɛ kpɔlɛ nga be o Sasafuɛ Tranwlɛ’n Desamblu 1 i bue 30-31 nun’n, amun nin sran’n be kanngan kun nun. Yɛ Biblu’n nun ndɛ mma nga be klɛli i lɛ’n kusu’n, an kanngan be nun kun nun wie. Fa Sasafuɛ Tranwlɛ’n nin Réveillez-vous ! mɛn i. Kpɛkun cɛn nga amún kókó kosan’n ng’ɔ bɛ i sin’n i su yalɛ’n, maan amun nuan sɛ su.

Sasafuɛ Tranwlɛ’n Desamblu 1

“Sran wie’m be bu i kɛ ndɛ nga Biblu’n kɛn i bian nin bla nna’n su’n ɔ ti lalafuɛ ndɛ naan be nanti su ɔ yoman ye. Wie’m be kusu be waan ndɛ nga Biblu’n kan’n ɔ ti nanwlɛ. ?Yɛ ɔ li, a bu i sɛ? [Maan sran’n tɛ kosan’n su.] 2 Timote 3:16 ɔ kle e Biblu’n nun mmla’m be finwlɛ’n. [Kanngan nun.] Wafa nga Biblu’n tɛ bian nin bla nna’n i su kosan blu mɔ sran’m be usa be wun’n be su’n, fluwa nga kɛn i ndɛ. Asa ekun, wafa nga Biblu’n nun mmla’m be su nantilɛ’n yo e ye’n, ɔ yiyi nun wie.”

Réveillez-vous ! Novembre

“?Sɛ e fa e ɲin e sie i ninnge kpanngban mɔ be bo sin yia e’n be su’n, é sé kɛ sran kun yɛ ɔ yili be annzɛ kusu be bɔbɔ yɛ be boli nun sa ngbɛn ɔn? [Maan sran’n tɛ kosan’n su.] Kɛ Biblu’n i klɛfuɛ kun fɛli i ɲin sieli ninnge nga be bo sin yia e’n be su’n, nian ndɛ nga ɔ kannin’n. [Kanngan Rɔmfuɛ Mun 1:20 nun.] Fluwa sifuɛ dandan’m be wunnin klɔ sran i wunnɛn’n nun ninnge wie mɔ be kle kɛ sran kun yɛ ɔ yili like kwlaa ɔ. Fluwa nga yiyi ndɛ sɔ’n nun.”