Ajalɛ nga e kwla fa’n

E bo sran’m be Biblu’n nun like klelɛ bo, Zuie i Fue cɛn klikli’n nun

“Sran wie’m be waan ɲanmiɛn sulɛ’n ɔ yo maan sran’m be klo be wun. Sanngɛ wie’m be waan ɔ yo maan sran’m be kpɔ be wun.?Yɛ ɔ li? ?A bu i sɛ? [Maan sran’n tɛ kosan’n su.] Maan n fa ndɛ sɔ’n i su ndɛ fɛ kun n kle wɔ.” I sin’n, fa Sasafuɛ Tranwlɛ’n fluwa Zuɛn 1 man sran’n naan a nin i be kanngan ndɛ ce klikli nga ɔ o i bue 26 su’n, i nun. Yɛ Biblu’n nun ndɛ mma nga be klɛli be lɛ’n kusu’n, kanngan be nun kun nun wie. Fa Sasafuɛ Tranwlɛ’n nin Réveillez-vous ! mɛn i. Kpɛkun cɛn nga amún kókó kosan’n i nɲɔn su’n i su yalɛ’n, maan amun nuan sɛ su.

Sasafuɛ Tranwlɛ’n Zuɛn 1

“Sran sunman bu i kɛ sɛ Ɲanmiɛn sulɛ wafa’m be fa be wun be wlɛ i politiki nun’n, ɔ ti kpa. Sanngɛ kusu wie’m be liɛ’n, be waan ɔ nin i fataman kɛ Ɲanmiɛn sufuɛ’m be fa wun be wlɛ i politiki nun. ?A bu i sɛ? [Maan sran’n tɛ kosan’n su.] Zezi i blɛ su’n, be waan bé trɛ́ i bé síe famiɛn, sanngɛ nian like nga ɔ yoli’n. [Kanngan Zan 6:15 nun.] Like nga ti yɛ Zezi seli sɔ’n, ɔ nin wafa nga Klistfuɛ’m be kwla uka be wiengu mun kpa’n, fluwa nga yiyi nun.”

Réveillez-vous ! Juin

“Afuɛ nuan kwlaa nun’n, sran miliɔn kpanngban be tɔ tukpaciɛ, afin be diman aliɛ kpakpa. ?Ɔ klun’n, aliɛ nga e di i wa’n, i ngba yɛ ɔ ti kpa ɔ? [Maan sran’n tɛ kosan’n su.] Wafa nga e kwla sasa e awlobofuɛ mun aliɛ mɔ be kwla man be tukpaciɛ’n be lika’n, fluwa nga kɛn i ndɛ. Asa ekun’n, nda nga be tɛli i Biblu’n nun kɛ ɔ cɛ kan’n, sran’m be kwlaa bé ɲán aliɛ kpakpa bé dí’n, fluwa kunngba’n kɛn i ndɛ wie.” Kanngan Jue Mun 104:14, 15 nun.