Les jeunes s’interrogent... Que vais-je faire de ma vie ? (Akpasua 1)

Kɛ afuɛ’m bé sín bé kɔ́’n, nn ba’m be kusu bé ɲín bé kɔ́. Ɔ maan bé bú akunndan yɛ bé fá ajalɛ. Kɛ ɔ ko yo naan b’a fa ajalɛ kpa’n, anuannzɛ’n yili flimu nga be flɛ i Les jeunes s’interrogent... Que vais-je faire de ma vie ? Kɛ ɔ ko yo naan amun a kwla tɛ kosan nga be o ndɛ kpɔlɛ 2 nun’n be su’n, DVD i lika nga be klɛli i kɛ Drame, amun ko nian lɔ. Kɛ amun ko nian flimu sɔ’n ko wie’n, maan amun wɔ DVD i lika nga be klɛli i kɛ Interviews i nun lɔ. Sɛ amun ju lɔ’n, amún wún i kɛ be klɛli i lika kun ekun kɛ Souvenirs. Amun wɔ lika sɔ’n nun lɔ naan amun nian flimu nga ɔ o lɔ’n. Kɛ amun ko wie flimu’n i nian’n, amun tɛ kosan nga be o ndɛ kpɔlɛ 3 nun’n be su.

Drame: (1) ?Kɛ Timote sa’n, ajalɛ benin yɛ ɔ fata kɛ gbanflɛn nin talua nga be su Zoova andɛ’n be fa ɔ? (2) ?Wafa sɛ yɛ be mianmiannin Andre kɛ ɔ si wanndi tra sran kwlaa ɔ? (3) (a) ?Zoova sulɛ’n ɔ nin be wun kpinngbinlɛ’n su ndɛ benin yɛ aniaan bian Fleissig kan kleli Andre ɔ? (Mat. 6:24) (b) ?Ndɛ benin yɛ aniaan bian Fleissig kannin m’ɔ kle like ng’ɔ fata kɛ sran kun yo naan i liɛ w’a yo ye’n niɔn? (c) ?Aniaan bian Fleissig waan kpongbo kaan nga ɔ o i sa nun mɔ be fa mɛnnin i bisua lɔ’n, ɔ yo maan i ɲin tran ndɛ cinnjin benin su? (d) ?Sran nga be nin aniaan bian Fleissig ɔ nin i yi’n be o foto’n su’n, be su ndɛ benin yɛ aniaan bian’n kannin ɔn? (e) ?Aniaan bian Fleissig i akunndan’n trannin ninnge nga ɔ yacili be yolɛ’n be su ekun? (Fil. 3:8) (4) Andre usɛli i nannan bla’n kɛ: “?Sɛ n ɲan ɲrun kpa wanndilɛ akplowa silɛ nun’n, ɔ ti tɛ ti ɔ?” ?Kɛ ɔ usɛli i sɔ’n, ɔ tɛli i su sɛ? (Lik 4:5-7) (5) ?Kɛ Andre ko sili wanndilɛ nun akplowa m’ɔ dunnin be kwlaa be ɲrun mmua’n, i klun jɔli? (6) ?Lɛtri kasiɛn nga aniaan bian Fleissig klɛli Andre’n i nun’n, ndɛ benin yɛ ɔ kannin m’ɔ wlali ɔ fanngan ɔn? (Nya. 10:22) (7) ?Aniaan bian Fleissig dunman nun ti’n, ngue yɛ Andre wunnin i wlɛ ɔ?

Souvenirs: (8) ?Junman benin mun yɛ aniaan bian kun nin aniaan bla kun be tinuntinun be di be laa ɔ? ?Yɛ ngue ti yɛ be kloli ninnge sɔ’m be yolɛ ɔ? (9) ?Ngue yɛ ɔ kle kɛ junman sɔ’m be ti’n, be yoli sran dan ɔn? (10) ?Ngue ti yɛ be wa yacili be junman sɔ’m be dilɛ ɔ? (2 Kor. 5:15) (11) ?Kɛ be yacili be junman laa’n be dilɛ’n, Ɲanmiɛn i junman benin yɛ be wa dili i siɛn’n niɔn? ?Yɛ ngue ti yɛ be wunnin i wlɛ kɛ be kwlá suman Zoova naan b’a di junman sɔ mun ɔn? (12) ?Ajalɛ uflɛ mɔ be fali’n, ɔ yoli be nsisɔ? (13) ?Ndɛ benin yɛ be kannin m’ɔ yoli maan a wunnin i wlɛ kɛ ɔ fata kɛ a bu like nga cɛn wie lele á yó’n i akunndan ɔn?

Maan amun nian flimu uflɛ nga be o DVD i lika nga be flɛ i kɛ Suppléments ɔ nin Interviews. I liɛ’n, le mɔcuɛ ng’ɔ́ bá lɔ’n nun’n, kɛ é kɛ́n i ndɛ Junman dilɛ aɲia’n i bo’n, amún kwlá tɛ́ kosan’m be su wie.