Ajalɛ nga e kwla fa’n

E bo sran’m be Biblu’n nun like klelɛ bo Desamblu i Fue cɛn klikli nun

“E nun sunman e klo kɛ awa sie e kpa. ?Sanngɛ kɛ a niɛn i sa’n, awa benin yɛ ɔ kwla nunnun ɲrɛnnɛn ng’ɔ o sran’m be su mɛn wunmuan’n nun’n niɔn? [Maan sran’n tɛ kosan’n su.] Nian ndɛ nga be klɛli i fluwa nga nun wa yɛ’n.” Amun fa Desamblu 1 Sasafuɛ Tranwlɛ’n be mɛn i. Kpɛkun amun fɛ i bue 10 naan amun koko ndɛ nga be o ndɛ ce klikli’n i bo lɛ’n be su yalɛ. Biblu’n nun ndɛ mma nga be klɛli be lɛ’n, amun kanngan be nun wie annzɛ be nun kun nun. I sin’n, maan fluwa’n kɛ i sa nun. Kpɛkun cɛn uflɛ nga amún kó níɛn i osu naan amun a koko kosan uflɛ su yalɛ’n, maan amun nuan sɛ su.

Sasafuɛ Tranwlɛ’n Desamblu 1

“E waan é úsa ɔ kosan kun. ?Sɛ be man wɔ atin kɛ a usa Ɲanmiɛn i sa’n, sa benin yɛ á úsɛ i ɔ? [Maan sran’n tɛ kosan’n su.] Zezi seli kɛ ɔ ti kpa kɛ e kunndɛ kosan’m be su tɛlɛ’n. [Kanngan Matie 7:7 nun.] Fluwa nga kle wafa nga Biblu’n tɛ kosan cinnjin nsan nga be o yɛ’n, be su’n.” Amun fa kosan nga be o fluwa’n i bue 3 i ja ngua lɛ’n be kle sran’n.

Réveillez-vous ! Décembre

“E junman nga e di i andɛ’n, yɛle sran’m be osu nianlɛ. Afin kekle’n o sran kpanngban su. I ti’n, le nɲɔn nun’n, sran’m be fa ya ndɛndɛ. ?A wun i sɔ wie? [Maan sran’n tɛ kosan’n su.] Sran sunman bu i kɛ blɛ kekle nga Biblu’n kɛnnin i ndɛ 2 Timote 3:1 nun’n, i nun yɛ e o yɛ. [Kanngan nun.] Fluwa nga kle like nga ti yɛ ya falɛ ndɛndɛ timan kpa’n, kpɛkun ɔ kle like ng’ɔ fata kɛ e yo naan y’a tɔman i sɔ liɛ’n nun’n.