E like kunndɛlɛ fluwa uflɛ kun

Mɛn wunmuan’n nun’n, jasin bofuɛ akpinngbin be fa like kunndɛlɛ fluwa kun be suan like. (Indɛx des publications Watch Tower) Fluwa sɔ’n i nun ndɛ’n ti tɛkɛtɛkɛ dan. Ɔ maan w’a fiteman aniɛn kpanngban nun. Sanngɛ anuannzɛ’n w’a yi like kunndɛlɛ fluwa uflɛ kun. Be flɛ i kɛ Zoova i Lalofuɛ’m be like kunndɛlɛ fluwa. Be yili i aniɛn kɔe 170 nun. Fluwa nga e boli be yilɛ’n bo afuɛ 2000 nun’n, be su yɛ Like kunndɛlɛ fluwa sɔ’n taka ɔ. Aniɛn nga be le like kunndɛlɛ fluwa klikli’n (Indɛx) saan ɛntɛnɛti su yɛ be kwla wun fluwa uflɛ’n niɔn. Annzɛ kusu be kwla wun i CD nga e fluwa’m be o su’n (Watchtower Library) i nun. Nanwlɛ, Like kunndɛlɛ fluwa’n wá úka e naan y’a kunndɛ Biblu’n su kosan’m be su tɛlɛ’n. Asa ekun’n, e kwla fa kunndɛ e bɔbɔ e klunklo like. Kɛ é síesíe e wun naan y’a wɔ aɲia’m be bo’n, annzɛ kɛ é sú Ɲanmiɛn awlo lɔ’n, e kwla fa di junman.