Like suanlɛ’n i su afɔtuɛ wie mun

?Biblu’n nun ndɛ mma nga be yiyili be nun mɔ be o Zoova i Lalofuɛ’m be like kunndɛlɛ fluwa’n nun’n, be yo ɔ ye?

Biblu’n nun ndɛ mma nga be yiyili be nun mɔ be o Like kunndɛlɛ fluwa’n nun’n, be kwla uka wɔ naan w’a suan Ɲanmiɛn Ndɛ’n nun like kpa. Be kwla uka ɔ naan w’a si blɛ nga i nun yɛ be klɛli ndɛ mma sɔ’n, annzɛ sran nga ti yɛ be klɛli’n. Annzɛ kusu wafa ng’ɔ fata kɛ e wun ndɛ mma sɔ’n i wlɛ’n.

E ƐNTƐNƐTI SU FLUWA SIEWLƐ Watchtower nin JW Library^® be kwla uka e naan y’a wun fluwa nga be yiyi Biblu’n nun ndɛ mma’m be nun mɔ be o Like kunndɛlɛ fluwa’n nun’n. E kwla wun fluwa sɔ mun JW Library^® i bue nga lɛ yɛ be yiyi Biblu’n nun ndɛ mma’m be nun’n i nun.

Kɛ é kánngan fluwa nga be yiyi Biblu’n nun ndɛ mma’m be nun’n be nun, maan e nian afuɛ nga fluwa sɔ’m be fiteli nun’n su kpa. Afin fluwa uflɛuflɛ mun yɛ be dun mmua fite-ɔ. I sin’n, fluwa nga be fiteli w’a cɛ’n mɔ wie liɛ’n be diman be nun ndɛ’n su kun’n yɛ be fite-ɔ.

• Like kunndɛlɛ fluwa’n nun ndɛ mma’m be o ƐNTƐNƐTI SU FLUWA SIEWLƐ Watchtower su wie.

• Sanngɛ JW Library su liɛ’n, sɛ e kunndɛ kɛ é wún ndɛ mma nga be yiyili be nun’n, ɔ fata kɛ e fa Like kunndɛlɛ fluwa ng’ɔ o JW Library su’n. Yɛ sɛ be kacili i nun ndɛ wie mun’n, maan e fa uflɛuflɛfuɛ’n. Kɛ e tin Biblu’n nun ndɛ mma kun su’n, Like kunndɛlɛ fluwa’n fite kan ndɛ mma nga be yiyili be nun’n be fite lɛ’n.