ƝANMIƐN NDƐ’N NUN NINNGE KPAKPA WIE MUN | ƐSDRAS 6–10
Zoova klo be nga be klunklo su be su i’n
Ɛsdrasi buɛbuɛli i wun naan w’a sɛ i sin Zerizalɛmu.
Famiɛn Artaksɛrksɛsi mannin Ɛsdrasi i atin naan ɔ sɛ i sin Zerizalɛmu lɔ ɔ ko yo naan sran’m be kwla su Zoova kpa.
“Like kwlaa nga Ɛsdrasi usali” famiɛn’n naan ɔ fa ko kplan Zoova i sua’n, famiɛn’n fa mɛnnin i. Ɔ mɛnnin i sika ɔkwlɛ, jɛtɛ ufue, ble, nzan, ngo nin njin. I kwlaa sɔ’n ju sika miliaa 59 tra su.
Ɛsdrasi lafili su kɛ Zoova sɛ́sɛ́ i sufuɛ mun
Be sin salɛ Zerizalɛmu lɔ’n, ɔ́ yó kekle.
Atin nga be kwla fa’n, ɔ fuanfuan kilo 1.600. Ɔ sin lika tɛtɛ’m be nun.
Be dili anglo kɔe 4 atin’n nun.
Ɔ fata kɛ be nga bé sá be sin’n, be lafi Ɲanmiɛn su kpa, naan i sulɛ kpafuɛ’n yo be cinnjin yɛ be yo yakpafuɛ.
ƐSDRASI I KƆLƐ SU’N, Ɔ FALI . . .
Sika ɔkwlɛ nin jɛtɛ ufue m’ɔ tra talan 750 i nɔnnin’n ɔ nin sran ble mɛn’n nun sui yasua kpakpa 3, be nɔnnin’n sɛ!
SA NGA BE NGA BÉ SÁ BE SIN’N BE JRANNIN BE ƝRUN’N . . .
Be nga be fɛn sran’m be bo ninnge mun’n, aawlɛ flɛnnɛn’n, nnɛn nin kakaa tɛtɛ mun