Uka be naan be su Zoova titi

Kpɛ sunman’n jasin bofuɛ uflɛuflɛ mɔ be kle be like naan be bo jasin fɛ’n i juejue su titi’n, be si jasin fɛ’n i bo kpa. (Nya 22:6; Fil 3:16) Wafa nga a kwla uka like suanfuɛ kun naan w’a si jasin fɛ’n i bo kpa’n, i su afɔtuɛ wie mun yɛ:

• Kɛ be ko man like suanfuɛ’n i atin kɛ ɔ bo jasin fɛ’n, bo i ukalɛ bo. (km 8/15 1) Like nga ti yɛ ɔ fata kɛ ɔ bo jasin fɛ’n lemɔcuɛ kwlaa nun’n fɛ i ɲin sie su. (Fil 1:10) Kan jasin bowlɛ nunfuɛ’m be su ndɛ kpa. (Fil 4:8) Wlɛ i fanngan naan ɔ nin jasin bolɛ akpasua’n i sunianfuɛ’n, yɛ ɔ nin jasin bofuɛ onga’m be bo jasin fɛ’n likawlɛ naan w’a kwla nian be liɛ’n su wie.—Nya 1:5; km 10/12 6 § 3

  

• Kɛ be ko yo like suanfuɛ’n i batɛmun’n, nán yaci i fanngan wlalɛ nin i jasin fɛ bolɛ’n i klelɛ. Sɛ ɔ nin a wieman fluwa ‘Ɲanmiɛn klo e’n’ i nun like suan’n, yɛ ɔ fata kɛ a yo i sɔ kpa bɔbɔ-ɔ.​—km 12/13 7

  

• Kɛ a nin jasin bofuɛ uflɛuflɛ kun bé bó jasin fɛ’n, maan ndɛ nga á kán’n ɔ yo pɔpɔ naan w’a kwla nian su. Kɛ ɔ́ bó jasin fɛ’n, sie ɔ su. I sin’n, tu ɔ klun yo i mo. Kpɛkun kle i ajalɛ wie mun mɔ bé úkɛ i naan w’a si jasin fɛ’n i bo kpa ekun’n.—km 5/10 7