“Sie be asɔnun kpɛnngbɛn”

Tit 1:5-9

Pɔlu seli Titi kɛ ɔ “sie asɔnun kpɛnngbɛn klɔ’m be su.” Ajalɛ sɔ m’ɔ o Biblu’n nun’n yɛ akpasua sunianfuɛ’m be nanti su andɛ-ɔ.

ANUANNZƐ’N I ƝRUN DINFUƐ MUN

Anuannzɛ’n i Ɲrun Dinfuɛ’m be nanti Klisifuɛ klikli’m be ajalɛ’n su. Yɛle kɛ be man akpasua sunianfuɛ’m be atin kɛ be sie aniaan wie’m be asɔnun kpɛnngbɛn annzɛ asɔnunfuɛ’m be ukafuɛ.

AKPASUA SUNIANFUƐ MUN

Akpasua sunianfuɛ’m be sie aniaan wie mun asɔnun kpɛnngbɛn annzɛ asɔnunfuɛ’m be ukafuɛ. Ka naan b’a yo sɔ’n, be dun mmua srɛ Ɲanmiɛn kpa. Kpɛkun be nian sɛ aniaan sɔ’m bé kwlá dí junman sɔ’n i kpa-o.

BE NGA B’A SIE BE ASƆNUN KPƐNNGBƐN’N

Kɛ be ko yo asɔnun kpɛnngbɛn’n, nzuɛn kpakpa nga be yili be nglo ka naan b’a man be junman sɔ’n, ɔ fata kɛ be yi be nglo titi.