Nán nian kɛ be ti kpanngban’n ti’n á sé kɛ á sú be su

23:1-3

Zoova wlali lalofuɛ’m be su nun kɛ nán be nian ndɛ nga sran kpanngban be kan’n su be di lalo. Asa’n, ɔ seli jɔlɛ difuɛ’m be kɛ sɛ bé dí sran jɔlɛ’n maan be di i kɛ ɔ nin i fata’n sa. Mmla sɔ mɔ Zoova fa mannin be’n, ɔ kan be mɛn’n dilɛ wafa’n wie. Kɛ mɔ Klisifuɛ’m be o mɛn nunfuɛ’m be afiɛn’n ti’n, be kwla su be bo kɛ be bu akunndan annzɛ be yo ninnge mun kɛ be sa.—Rɔm 12:2.

?Sɛ sran kpanngban be yo ninnge nga be o yɛ’n, ngue ti yɛ ɔ fataman kɛ e se kɛ é sú be su é yó wie-ɔ?

• sɛ be kan sran wun ndɛ annzɛ sɛ be kan ndɛ wie m’ɔ timan nanwlɛ’n

• wafa nga be wlawla be wun annzɛ be yo be ti’n annzɛ kusu wafa nga be yiyi be ɲin su’n

• akunndan nga be bu i be nga be nin be, be aniɛn’n annzɛ be finwlɛ’n timan kun’n annzɛ kusu wafa nga be bu yalɛfuɛ mun’n