Maan e fa e fluwa mun e di junman titi

Kɛ ɔ fɛ i afuɛ 2018 nun’n fluwa nga e yi be siɛn’n, kɛ e fa kun i bo bolɛ lele fa ju i awieliɛ’n, ndɛ kunngba’n yɛ e yiyi nun-ɔn. Fluwa sɔ’m be o e Like Klelɛ Ninnge’m be siewlɛ’n nun wie. Ɔ maan e kwla fa be e bo jasin fɛ’n. Asa ekun’n, sɛ e su tu ajalɛ wie annzɛ kusu sɛ e su kɔ gua bo’n, e kwla fa fluwa sɔ mun e sie e sa su. Nán sran’m be like klelɛ ti yɛ be yi fluwa sɔ mun-ɔn. Sanngɛ be kwla yo maan sran kun kunndɛ kɛ ɔ́ sí Ɲanmiɛn i su ninnge wie mun.

Sɛ e nin sran kun e su koko yalɛ’n, e kwla kanngan Biblu’n nun ndɛ mma kun nun e kle i. Kpɛkun sɛ fluwa kun o lɛ naan ɔ nin sran’n i su sa’m be kɔ likawlɛ’n, maan e bo su e kle i. I wie yɛle kɛ sɛ sran’n le awlobo’n annzɛ i sran wie w’a wu’n annzɛ kusu i akunndan w’a sanngan’n, e kwla se i kɛ: “N kanngannin fluwa kun nun yɛ i nun ndɛ’m be yo fɛ kpa. Ɔ kan sa sɔ’n i ndɛ. ?A klo kɛ n fa kle-ɔ?” Kannzɛ bɔbɔ kpɛ klikli’n yɛ e nin sran’n e su koko yalɛ’n, sanngɛ sɛ e sie i nzɔliɛ kɛ ndɛ’n ti i cinnjin’n e kwla fa fluwa’n e mɛn i trele annzɛ e kwla fa mɛn i i pɔɔtablu’n su. Nán sran’m be fluwa manlɛ’n yɛ ɔ ti e cinnjin-ɔn. Sanngɛ ɔ uka e naan y’a wun be nga be kunndɛ kɛ bé nánti like nga be suan’n su’n.—Yol 13:48.

Afuɛ 2018

Afuɛ 2019

Afuɛ 2020