?Ngue yɛ a yo i dɔ nga su naan b’a yo ɔ batɛmun-ɔn?
LIKE NGA KLISIFUƐ’M BE YO’N
Fa ajalɛ kɛ á sú Zoova
Atrɛkpa’n, a ti Klisifuɛ gbanflɛn annzɛ talua kun mɔ be nin-a yoman ɔ batɛmun-ɔn, annzɛ kusu a suan Biblu’n nun like. ?Sɛ ɔ ti sɔ’n a bu batɛmun yolɛ’n i akunndan? Kɛ sran kun fa ajalɛ kɛ ɔ́ fɛ́ i wun mán Ɲanmiɛn naan be yo i batɛmun’n, i sɔ’n kle kɛ ɔ kunndɛ kɛ ɔ nin Zoova bé trá janvuɛ. (Ju 91:1) Yɛ i sɔ’n kwla yo maan sran ɲan nguan. (1Pi 3:21) ?Sanngɛ ngue like yɛ ɔ fata kɛ a yo-ɔ?
Ɔ fata kɛ ɔ bɔbɔ a wun i wlɛ kɛ like nga a suan’n ti nanwlɛ. Sɛ a usa ɔ wun kosan wie mun’n kunndɛ be su like. (Rɔm 12:2) Bu ninnge ng’ɔ fata kɛ a yaci be yolɛ’n be akunndan. Maan klolɛ mɔ a klo Zoova’n, ɔ su ɔ bo naan w’a kwla kaci ɔ sa. (Nya 27:11; Efɛ 4:23, 24) Srɛ Zoova blɛ kwlaa nun naan ɔ uka-ɔ. Sɛ a yo sɔ’n, a kwla lafi su kɛ Zoova mán ɔ wunmiɛn yɛ ɔ́ fɛ́ i wawɛ’n súan ɔ bo. (1Pi 5:10, 11) Ɔ ɲin mɔ a mian’n su kaman ngbɛn. Afin Zoova i sulɛ’n yɛ ɔ ti like kpafuɛ’n niɔn!—Ju 16:11.
AN NIAN VIDEO NGA BE FLƐ I KƐ NINNGE NG’Ɔ FATA KƐ A YO BE NAAN B’A YO Ɔ BATƐMUN’N. I SIN’N, AN TƐ KOSAN NGA’M BE SU:
?Sa benin yɛ aniaan wie’m be jrannin be ɲrun kekle naan b’a kwla yo be batɛmun-ɔn?
Kwlaa naan w’a fa ɔ wun w’a man Zoova’n ɔ fata kɛ a lafi i su kpa. ?Ngue yɛ ɔ fata kɛ a yo naan w’a lafi i su kpa-ɔ?
?Ngue yɛ ɔ suli sran wie’m be bo naan b’a fa ajalɛ kɛ be yo be batɛmun-ɔn?
?Be nga be fa ajalɛ kɛ bé sú Zoova’n mmlusuɛ benin yɛ be ɲɛn i-ɔ?
?Kɛ be se kɛ sran kun fɛ i wun man Ɲanmiɛn mɔ be yo i batɛmun’n i bo’n yɛle benin?