“Sɛ klolɛ nga Klisi’n fa klo e’n ti sran’n, nn é sé kɛ ɔ sie e mlɔnmlɔn.”—2Ko 5:14
LIKE NGA KLISIFUƐ’M BE YO’N
?A kwla siesie ɔ wun naan w’a yo cɛn kunngun atin bofuɛ Marsi annzɛ Avrili anglo’n nun?
?E Wla Kpɛnlɛ cɛn blɛ’n nun’n a kunndɛ kɛ á úka junman nga a di man Zoova’n su? (2Ko 5:14, 15) Marsi nin Avrili anglo’n nun’n a kwla yo cɛn kunngun atin bofuɛ. Blɛ sɔ nun’n a kwla di dɔ 30 annzɛ dɔ 50. Sɛ a nian naan a kwla fa ɔ wun wlɛ i junman sɔ’n i dilɛ’n nun wie’n, se asɔnun kpɛnngbɛn nga be nian jasin fɛ bolɛ su’n be kɛ be fɛ i su fluwa man ɔ naan klɛ ɔ dunman. Anglo kwlaa nun’n be nga bé dí cɛn kunngun atin bolɛ junman’n bé bó be dunman’n aɲia’m be bo lɔ. I sɔ’n yó maan aniaan onga’m bé kwlá súan be bo. E Wla Kpɛnlɛ aɲia’n i blɛ’n nun’n maan e kwlakwla e mian e ɲin naan e bo jasin fɛ’n kpa tra laa’n naan kusu e wla e wiengu fanngan.—1Te 5:11.