MIAN Ɔ ƝIN NAAN SI JASIN FƐ’N I BO KPA | MAAN E DI AKLUNJUƐ KPA JASIN FƐ’N I BOLƐ NUN
Maan e fa Ɲanmiɛn Ndɛ’n e di junman
Ɲanmiɛn Ndɛ’n le ta kpa! (Ebr 4:12) Ɔ kwla kan be nga be siman Ɲanmiɛn bɔbɔ’n be awlɛn. (1Te 1:9; 2:13) Kɛ e fa Biblu’n nun ndɛ nanwlɛ’n e kle sran kun m’ɔ sɔ nun klanman’n, i sɔ’n yo e fɛ kpa.
AN NIAN VIDEO NGA BE FLƐ I KƐ MAAN E SI LIKE KLE KPA NAAN Y’A DI AKLUNJUƐ SRAN’M BE LIKE KLELƐ’N NUN: MAAN E YO NAAN ƝANMIƐN NDƐ’N ƝAN TA SRAN’M BE SU. I SIN’N AN TƐ KOSAN NGA’M BE SU:
?Kɛ Neta bó Biblu’n nun ndɛ mma’n su’n wafa sɛ yɛ ɔ kleli kɛ Ɲanmiɛn Ndɛ’n le ta-ɔ?
Neta seli Jadi kɛ ɔ mɛn i nɛn’n su kanngan Biblu’n nun ndɛ mma’n nun yɛ i sin’n be kokoli su yalɛ. ?I lɛ’n nun’n wafa sɛ yɛ ɔ kleli kɛ Ɲanmiɛn Ndɛ’n le ta-ɔ?
?Ngue yɛ ɔ kle klɛ Biblu’n nun ndɛ mma’n kannin Jadi i awlɛn’n nin-ɔn? ?Yɛ kɛ amun niɛn i sa’n wafa sɛ yɛ Neta i wun yó i-ɔ?