Ɲanmiɛn srɛlɛ

Zoova yɛ maan ndɛ nanwlɛ’n tra ndin sran kun i awlɛn’n nun-ɔn. I yɛ ɔ yo maan sran’n ɔ kɔ i ɲrun i sulɛ’n nun-ɔn. (1Ko 3:6-9) Ɔ maan kɛ ɔ ko yo naan y’a bo jasin fɛ’n i kpa’n, ɔ fata kɛ e fa e wla kwlaa e guɛ i Zoova su naan ɔ uka e nin be nga e kle be Biblu’n nun like’n.

Maan e srɛ Zoova kɛ ɔ uka be nga e kle be Biblu’n nun like’n naan be jran kekle yɛ be wun be su sa’m be trawlɛ. (Fp 1:9, 10) Maan e kan sa trele ng’ɔ o e su’n i ndɛ. Maan e srɛ Ɲanmiɛn naan ɔ fɛ i wawɛ’n tinngɛ e akunndan’n nin ninnge nga e yo be’n. (Lik 11:13) Maan e kle be nga e kle be Biblu’n nun like’n wafa nga be kwla srɛ Ɲanmiɛn’n yɛ e wla be fanngan naan be yo sɔ. Maan e nin be e srɛ Ɲanmiɛn yɛ e bo be dunman srɛlɛ’n nun.

AN NIAN VIDEO NGA BE FLƐ I KƐ ZOOVA UKA E NAAN Y’A DI AKLUNJUƐ SRAN’M BE LIKE KLELƐ NUN: ƝANMIƐN SRƐLƐ. I SIN’N, AN TƐ KOSAN NGA’M BE SU:

• ?Kɛ Neta klé Jadi i Biblu’n nun like’n sa benin yɛ ɔ juli-ɔ?

• ?Wafa sɛ yɛ ndɛ ng’ɔ o 1 Korɛntifuɛ Mun 3:6 nun’n ukali Neta-ɔ?

• ?Ngue like yɛ Neta yoli naan w’a siesie sa sɔ’n nin-ɔn?