Zelɔfsadi i wa bla’m be waan be fa be si i aja like liɛ’n be man be.
ƝANMIƐN NDƐ’N NUN NINNGE KPAKPA WIE MUN
Kɛ Zoova sa’n nán e kpa sran nun
Zelɔfsadi i wa bla nnun’m be kunndɛli kɛ be fa be si i aja like liɛ’n be man be. (Ka 27:1-4; w13 1/6 11-12 § 14; Nian foto ng’ɔ o fluwa’n i bui’n su’n.)
Ajalɛ nga Zoova fali’n kle kɛ ɔ kpaman sran nun. (Ka 27:5-7; w13 1/6 12 § 15)
E kusu ɔ fataman kɛ e kpa sran nun. (Ka 27:8-11; w13 1/6 12 § 16)
Zoova kpaman sran nun. Ɔ maan kɛ e bu e niaan Klisifuɛ’m be sran mɔ e yi i nglo kɛ e klo be mɔ kusu e bo jasin fɛ’n e kle sran wafawafa kwlaa’n, i lɛ nun’n e kle kɛ e nian Zoova i ajalɛ’n su.