Maan e akunndan’n tran Zoova su titi

Ɔ ju wie’n kɛ ɔ ko yo naan y’a ɲan junman kan y’a di’n, ɔ ti kekle. I lɛ’n nun’n, kɛ ɔ yo naan y’a fa Ɲanmiɛn i Famiɛn Diwlɛ’n nin i sa nuan su sɛsɛ yolɛ’n y’a sie like kwlaa ɲrun’n ɔ ti kekle. E kwla kplin su kɛ é dí junman kun, kusu nn e si kɛ junman sɔ’n yó maan Zoova i sulɛ’n ɔ́ yó kekle e sa nun annzɛ ɔ́ yó maan é fɔ́n i mmla mun. Kannzɛ bɔbɔ lika’n ti kekle’n sanngɛ e kwla lafi su kɛ Zoova suan be nga be fa be wla kwlaa guɛ i su’n be bo. (2Nyo 16:9) E Si m’ɔ klo e’n ɔ́ nían e lika yɛ ɔ́ mán e like nga e miɛn i wun’n. Like fi kwlá tɛnndɛnmɛn i ɲrun i sɔ yolɛ’n nun. (Rɔm 8:32) Ɔ maan kɛ é kúnndɛ junman’n maan e lafi Zoova su yɛ maan e ɲin trɛn i sulɛ’n su titi.—Ju 16:8.

AN NIAAN VIDEO NGA BE FLƐ I KƐ MAAN E TU E KLUN DI JUNMAN MAN ZOOVA. I SIN’N, AN TƐ KOSAN NGA’M BE SU:

• 

  ?Ngue ti yɛ Jezɔnun w’a sɔman adi ninnge nga be fa mɛnnin i’n nun-ɔn?

• 

  ?Wafa sɛ yɛ e kwla nanti ndɛ ng’ɔ o Kolɔsufuɛ Mun 3:23 nun’n su-ɔ?

• 

  ?Wafa sɛ yɛ Jezɔnun i ayeliɛ kpa’n ɔ ɲannin ta Toma su-ɔ?

• 

  ?Wafa sɛ yɛ e kwla nanti ndɛ ng’ɔ o Matie 6:22 nun’n su-ɔ?