Maan e kan mɛn klanman mɔ w’a mantan koko’n i ndɛ e kle sran mun!

Novanblu anglo nun’n, é dí junman ngunmin kun. Yɛle kɛ é kán mɛn klanman mɔ w’a mantan koko’n i ndɛ é klé sran mun. (Ju 37:10, 11; Ngl 21:3-5) Siesie ɔ wun naan blɛ sɔ’n nun’n w’a kwla di junman ngunmin kun sɔ’n kpa. Sɛ a kunndɛ kɛ á yó cɛn kunngun atin bofuɛ anglo sɔ’n nun’n, a kwla di dɔ 30 annzɛ dɔ 50.

Mian ɔ ɲin naan blɛ sɔ’n nun’n kanngan Biblu’n nun ndɛ mma kun m’ɔ kan mɛn klanman’n i ndɛ’n i nun kle sran kaka. Kɛ á síesíe ɔ wun’n bu Biblu’n nun ndɛ mma ng’ɔ́ yó sran’m be fɛ’n i akunndan. Sɛ kpɛ klikli nga e to sran’n, sran’n kle kɛ ndɛ’n lo i’n maan e fa afuɛ 2021 Sasafuɛ Tranwlɛ’n No. 2 nga e fa bo jasin fɛ’n kun e mɛn i. Maan e ko niɛn i osu. I liɛ’n sɛ ɔ kle kɛ ndɛ’n te lo i’n, e kwla fa fluwa pɛplɛpɛ A kwla di aklunjɔɛ tititi! e mɛn i naan i sin’n y’a bo i Biblu’n nun like klelɛ bo. Blɛ sɔ’n nun’n, é wá dí aklunjɔɛ dan afin é wá kán ‘aunjɔɛ ndɛ’ é klé sran mun!—Eza 52:7.

AN NIAN JUE UFLƐ NGA BE FLƐ I KƐ LE MONDE NOUVEAU I VIDEO’N. I SIN’N, AN TƐ KOSAN NGA’M BE SU:

• ?Like ɲɛnmɛn benin yɛ ba bla kan’n i ɲin wo i sin-ɔn?

• ?Ninnge benin wie mun yɛ ɔ ɲin o be sin kpa kɛ á yó be mɛn klanman’n nun lɔ-ɔ?

• ?Wafa sɛ yɛ ninnge nga ɔ wla o be su’n be su akunndan bulɛ’n kwla uka ɔ naan w’a tu ɔ klun w’a bo jasin fɛ’n kpa Novanblu anglo’n nun-ɔn?—Lik 6:45