Ɛntɛnɛti adrɛsi mɔ anuannzɛ’n yili’n yo e bɔbɔ nin sran uflɛ ye
Zezi seli kɛ e kan Ɲanmiɛn sielɛ’n i jasin fɛ’n “mɛn wunmuan’n nun naan sran’n kwlaa be ti.” (Mat. 24:14) Kɛ ɔ ko yo naan y’a ‘di junman’n y’a guɛguɛ i bo’ ti’n, anuannzɛ’n yili ɛntɛnɛti adrɛsi nsan. Be yɛle watchtower.org, ɔ nin jw-media.org, ɔ nin jw.org. Sanngɛ, b’a kpanndan adrɛsi nsan sɔ mun. Siɛn’n, yɛle jw.org.—2 Tim. 4:5.
“Mɛn wunmuan’n nun”: Sɛ e fa asiɛ wunmuan’n su sran nsan’n, be nun kun fa ɛntɛnɛti di junman. Andɛ’n, ɛntɛnɛti yɛ sran sunman be fa si mɛn’n nun ndɛ ɔ. I li gbanflɛn nin talua mun yɛ be di i nun junman kpa’n niɔn. E ɛntɛnɛti’n tɛ Biblu’n su kosan nga sran’m be usa’n, be su weinwein kpa man be. Ɔ kan Zoova i anuannzɛ’n i su ndɛ kle be wie. Kpɛkun, sran ng’ɔ kunndɛ kɛ be kle i Biblu’n nun like’n, be mɛn i wun atin. Ɔ maan lika nga sran’m be kwlá tieman jasin fɛ’n lɔ’n, be kwla tie i siɛn’n.
“Sran’n kwlaa be ti”: Kɛ ɔ ko yo naan ‘sran’n kwlaa b’a ti’ jasin fɛ’n, ɔ fata kɛ e bo i aniɛn wafawafa’m be nun. Sran ng’ɔ tike jw.org, ɔ́ wún i sɔ liɛ’n. Yɛle kɛ ɔ kwla wun ndɛ mun aniɛn wafawafa kɔe 400 nun. Be wunmɛn i sɔ liɛ’n ɛntɛnɛti lika uflɛ fi nun.
Maan e si nun junman di: Nán mɛn nunfuɛ’m be ngunmin be liɛ ti yɛ be yili ɛntɛnɛti adrɛsi jw.org niɔn. Sanngɛ be yili naan Zoova i Lalofuɛ’m be fa di junman wie. Sɛ amun kɔ ɛntɛnɛti su’n, é wlá amun fanngan kɛ amun suan jw.org i nun junman dilɛ. Ajalɛ nga amun kwla fa’n, i wie yɛ be o yɛ.
[Ninnge’m be jajalɛ, bue 3]
(An nian fluwa bɔbɔ ba’n su)
An yo nian
1 An fa ɔrdinatɛli’n naan an klɛ www.jw.org ɛntɛnɛti lika’n nun.
2 An tin i nglo lɛ lika nga amun kunndɛ kɛ amún dí nun junman’n i su. Kpɛkun ndɛ nga be fite mɔ be ti amun liɛ’n, an tin su.
3 Sɛ amun selilɛli’n fa ɛntɛnɛti’n, an nian ajalɛ kunngba’n su tike adrɛsi jw.org.