Sran nga é jɛ́ i’n saan wie’n yɛ ɔ fata kɛ ɔ titi e nun-ɔn

Kɛ Klisifuɛ kun i aja’n yo ye’n ɔ di aklunjɔɛ yɛ i sɔʼn manman Zoova. (Mr 10:9) Klisifuɛ nga be kunndɛ kɛ be aja’n cɛ naan bé dí aklunjɔɛ’n, bian nin bla jalɛ i su afɔtuɛ nga Biblu’n man’n ɔ fata kɛ be nian su nanti.

Blɛ mɔ a nin-a juman bian annzɛ bla jalɛ’n ɔ fataman kɛ a fa ɔ ɲin sie i sran kun su. Afin blɛ sɔ’n nun’n a kwlá faman ajalɛ ngwlɛlɛ su. (1Ko 7:36) Sanngɛ blɛ sɔ’n nun’n mian ɔ ɲin naan a nin Ɲanmiɛn amun afiɛn mantan kpa yɛ yi nzuɛn kpa’m be nglo. Sɛ a yo sɔ’n, kɛ á wá já bla annzɛ bian’n i sɔ’n úka ɔ naan ɔ aja’n w’a yo ye.

Kwlaa naan w’a fa ajalɛ kɛ á já sran kun’n dun mmua si sran wafa ng’ɔ ti’n i kpa ka. (1Pi 3:4) Sɛ ninnge wie’m be kle ɔ yalɛ’n a nin sran sɔ’n be koko su yalɛ. Aja’n nun’n nán like nga á ɲɛ́n i’n i su yɛ ɔ fata kɛ a fa ɔ ɲin sie su dan-ɔn. Sanngɛ like nga a ko yo naan ɔ aja’n w’a yo ye’n yɛ ɔ fata kɛ ɔ yo ɔ cinnjin-ɔn. (Fp 2:3, 4) Sɛ a nanti Biblu’n nun mmla’m be su dɔ nga su’n kɛ á wá já bla annzɛ bian’n be su nantilɛ’n yó pɔpɔ mán wɔ.

AN NIAN VIDEO NGA BE FLƐ I KƐ SIESIE Ɔ WUN KA NAAN W’A JA BLA ANNZƐ BIAN: BUE 3: ‘TRAN ASE BU I AKUNNDAN KA.’ I SIN’N, AN TƐ KOSAN NGA’M BE SU:

• ?I bo bolɛ nun’n wafa sɛ yɛ aniaan bla’n nin Senin be janvuɛ tralɛ’n yoli-ɔ?

• ?Kɛ ɔ́ kɔ́ i ɲrun’n ngue yɛ aniaan bla’n wa sieli i nzɔliɛ Senin i lika-ɔ?

• ?Wafa sɛ yɛ i si nin i nin be ukɛli i-ɔ? ?Kasiɛn su’n ajalɛ kpa benin yɛ ɔ fali-ɔ?