LIKE NGA KLISIFUƐ’M BE YO’N
An fa Biblu’n nun mmla mun uka amun mma mun naan be liɛ yo ye
Siɛ nin niɛn’m be kunndɛ kɛ be mma’m be liɛ yo ye naan Zoova i junman dilɛ nun’n, be di aklunjɔɛ. Sɛ siɛ nin niɛn’m be kunndɛ kɛ be mma’m be liɛ yo ye’n, ɔ fata kɛ be nian Biblu’n nun mmla’m be su be kle be like.—Ɲan 22:6.
Amun yo maan amun mma’m be kan be klun ndɛ kle amun.—Zak 1:19
Amun kle be ajalɛ kpa.—Mml 6:6
Amun fa amun wun wlɛ i Zoova sulɛ nun titi.—Efɛ 6:4
AN NIAN VIDEO NGA BE FLƐ I KƐ MAAN AMUN SUA’N I BO WLA ASE KPA: AN KLE AMUN MMA MUN ‘ATIN NG’Ɔ FATA KƐ BE FA SU’N.’ I SIN’N, AN TƐ KOSAN NGA’M BE SU:
?Wafa sɛ yɛ siɛ nin niɛn’m be kwla kle kɛ be like yolɛ yoman ya-ɔ?
?Wafa sɛ yɛ siɛ nin niɛn’m be kwla nanti ndɛ ng’ɔ o Zaki 1:19 nun’n su-ɔ?
?Sɛ sa wie ju’n, ngue yɛ ɔ fata kɛ siɛ nin niɛn’m be yo-ɔ?