LIKE NGA KLISIFUƐ’M BE YO’N

?Sɛ sika ndɛ’n tɔ’n é kwlá jrán kekle?

Kɛ mɛn’n nun sa’m be ti’n sika ndɛ’n yo kekle’n i sɔ’n boman e nuan. Afin e o mɛn’n i awieliɛ blɛ’n nun. Yɛ Biblu’n wla e fanngan kɛ nán e fa e wla guɛ i “aɲanbeun ninnge mɔ be saci’n” be su. (1Ti 6:17; 2Ti 3:1) Kwlaa naan sika ndɛ’n w’a tɔ’n Famiɛn Zozafati siesieli i wun. ?Wafa sɛ yɛ e kwla niɛn i ajalɛ’n su-ɔ?

Kɛ Izraɛlifuɛ’m be kpɔfuɛ’m be wlanwlannin be’n, Zozafati fɛli i wla guɛli i Zoova su. (2Ɲo 20:9-12) Asa’n, ɔ fali ajalɛ wie mun naan w’a sasa nvlefuɛ mun, yɛle kɛ ɔ sisili klɔ’m be wun yɛ ɔ siesieli sonja wie mun lika’m be nun. (2Ɲo 17:1, 2, 12, 13) Kɛ Zozafati sa’n sɛ e fa e wla guɛ i Zoova su’n yɛ sɛ e buabua e wun e sie ka naan blɛ kekle wie w’a ju’n ɔ ti kpa.

?KWLAA NAAN SIKA NDƐ’N W’A YO KEKLE’N NGUE YƐ E KWLA YO-Ɔ?

Maan e yo naan e nin Zoova e afiɛn mantan kpa: Maan like nga e le i’n ɔ ju e yɛ e lafi su kɛ Zoova kwla man e like nga e miɛn i wun aliɛ ba kwlaa nun’n. (Mat 6:26; 1Ti 6:8) Maan e fua kpa kɛ e su fɔnman Zoova i mmla mun naan y’a ɲan ninnge nga e mian be wun’n. (Rɔm 2:21) Sɛ be kpɛ kolan annzɛ ɛntɛnɛti’n, maan e bu like nga e kwla yo naan y’a kanngan Biblu’n nin e fluwa’m be nun titi’n i akunndan. Maan e fa e fluwa wie mun e sie yɛ sɛ e le i wun atin’n maan e fa wie e sie i e mannzin’m be su.

Maan e yo ninnge uflɛ wie mun: Kwlaa naan sika ndɛ’n w’a yo kekle’n, maan e tannin e su kalɛ mun yɛ nán e to ninnge nga be timan cinnjin’n. (Ɲan 22:7) Sɛ e le i wun atin’n maan e fa aliɛ kan nin ninnge uflɛ wie mun e sie. Sran wie’m be di fie i liɛ’n be kwla sie sika kan.

AN NIAN VIDEO NGA BE FLƐ I KƐ ?AMUN KWLA JRAN ƝRƐNNƐN SA’M BE ƝRUN KEKLE? I SIN’N, AN TƐ KOSAN NGA’M BE SU:

Foto nga’m be fin video nga be flɛ i kɛ “?Amun kwla jran ɲrɛnnɛn sa’m be ɲrun kekle?” i nun. Biblu, pata nin pɔɔtablu, ɔ nin sua kplanfuɛ mun.

?Kwlaa naan ɲrɛnnɛn sa kun w’a ju’n ngue yɛ e tinuntinun e kwla yo-ɔ?

Your answer

Foto nga’m be fin video nga be flɛ i kɛ “?Amun kwla jran ɲrɛnnɛn sa’m be ɲrun kekle?” i nun. Aniaan wie’m b’a ɔ aniaan’m be bo suanlɛ afin sanvuɛsa w’a tɔ be su. Wie’m be su kplan sua yɛ wie’m be su yiyi ninnge mun loto dan kun nun.

?Ngue yɛ e kwla yo fa uka e wiengu mun-ɔn?

Your answer