?Amun kwla jrɛn i ɲrun kekle?

?Sɛ ɲrɛnnɛn sa wie ju amun asa’n su lɔ’n, amun kwla jrɛn i ɲrun kekle? Asiɛ m’ɔ keje, aunmuan m’ɔ tu dan’n, sin m’ɔ yra lika’n, yɛ nzue m’ɔ di lika’n be kwla ka lɛ fu e nun yɛ be saci ninnge mun. Asa ekun’n, kakawlonga mun nin be nga be jaso mɛn siefuɛ’m be wun’n be kwla man be wun su lika kwlaa. Yɛ tukpacɛ m’ɔ sasa ndɛndɛ kusu’n kwla tɔ sran’m be su lika kwlaa. (Ak 9:11) Nán maan e se kɛ i sɔ sa’m be su junman e asa’n su le.

Ɔ fata kɛ e tinuntinun e buabua e wun e sie naan sɛ ɲrɛnnɛn sa wie ju’n, y’a kwla jrɛn i ɲrun kekle. (Nya 22:3) Ɔ ti su kɛ, kɛ sanvuɛsa wie ju’n Zoova i anuannzɛ’n yo ninnge wie mun uka e’n, sanngɛ ɔ fata kɛ e bɔbɔ e fa ajalɛ wie mun.​—Gal 6:5.

AN NIAN VIDEO NGA BE FLƐ I KƐ ?AMUN KWLA JRAN ƝRƐNNƐN SA’M BE ƝRUN KEKLE? I SIN’N AN TƐ KOSAN NGA’M BE SU:

• 

  ?Ngue ti yɛ kɛ e fa e wun e mantan Zoova’n, ɔ kwla uka e naan sɛ ɲrɛnnɛn sa wie ju’n, y’a kwla jran kekle-ɔ?

• 

  ?Ngue ti yɛ ɔ ti cinnjin kɛ ...

  • • ka naan ɲrɛnnɛn sa wie w’a ju’n annzɛ kɛ ɔ ju’n annzɛ kusu kɛ ɔ ko sin’n, e fa afɔtuɛ nga asɔnun kpɛnngbɛn’m be man’n su-ɔ?

  • • e fa ninnge nga be kwla uka e blɛ sɔ’n nun’n e sie-ɔ?​—g17.5-F 6

  • • e koko ɲrɛnnɛn sa nga be kwla ju e asa’n su’n i su yalɛ naan y’a wun like nga e kwla yo i blɛ sɔ’n nun-ɔn?

• 

  ?Ajalɛ nsan benin yɛ e kwla fa naan y’a kwla uka be nga ɲrɛnnɛn sa tɔ be su mun-ɔn?