LIKE NGA KLISIFUƐ’M BE YO’N
Zoova de be nga be akunndan’n w’a sanngan’n
Ɔ ju wie’n, e kwlaa e akunndan’n sanngan. Sanngɛ i sɔ’n kleman kɛ e lafiman Zoova su. I kpa bɔbɔ’n, blɛ wie nun’n Zoova i awlɛn’n kpɔtɔli i klun. (Bob 6:5, 6) ?Yɛ sɛ ɔ ju wie e wla bo e wun tratra su nin? ?Yɛ sɛ e wla m’ɔ bo e wun’n kaci kɛ tukpacɛ sa nin?
Maan e srɛ Zoova kɛ ɔ uka e. Wafa nga e wun yo e’n ti Zoova i cinnjin kpa. Sɛ e klun ti jɔwa-o annzɛ e akunndan ti sannganwa-o, ɔ si nun. Ɔ si akunndan nga e bu’n nin sa nga ti yɛ e bu akunndan sɔ’n. Kpɛkun ɔ wun wafa nga e wun yo e’n i wlɛ. (Ju 7:9b) Like ng’ɔ ti cinnjin’n yɛle kɛ e ndɛ lo Zoova yɛ sɛ e awlɛn kpɔtɔ e klun’n, annzɛ e akunndan’n sanngan’n ɔ uka e naan y’a jran kekle. —Ju 34:18.
Maan e sasa e akunndan’n. Kɛ e sa sin bubu e’n e diman aklunjɔɛ yɛ i sɔ’n kwla yo maan e kpɔnzɔ Zoova i sulɛ’n nun. I sɔ’n ti’n, sɛ e sasa e awlɛn’n ɔ ti kpa.—Ɲan 4:23.
AN NIAN VIDEO NGA BE FLƐ I KƐ E NIAAN’M BE DI FƆUNDI KANNZƐ AWLABƆƐ’N KLE BE YALƐ’N. I SIN’N, AN TƐ KOSAN NGA’M BE SU:
?Ninnge trele benin mun yɛ Niki yoli be mɔ be ukɛli i naan w’a jran awlabɔɛ’n i ɲrun kekle-ɔ?
?Ngue ti yɛ Niki wunnin i wlɛ kɛ ɔ fata kɛ ɔ wɔ dɔɔtrɔ-ɔ?—Mat 9:12
?Wafa sɛ yɛ Niki kleli kɛ ɔ lafi su kɛ Zoova kwla ukɛ i-ɔ?