Fa ɔ ɲin sie i foto nin desɛn’m be su kpa

Be diman foto nin desɛn’m be yalɛ e fluwa’m be nun. Yɛ be kle e ninnge cinnjin wie mun. ?É yó sɛ naan y’a ɲan desɛn nin foto sɔ’m be su ye kpa?

• Nian foto nin desɛn mun ka naan w’a kanngan ndɛ’n nun. Kɛ e ɲinma gua aliɛ fɛfɛ wie wun’n, e nuan nzue kwla kloklo e nuan nun. I kunngba’n yɛle foto nin desɛn nga be o fluwa’m be nun’n. Be kwla yo maan e kunndɛ kpa kɛ é kánngan ndɛ’n nun. I sɔ’n ti’n, kwlaa naan w’a kanngan ndɛ kun nun’n, usa ɔ wun kɛ: ‘?Foto nin desɛn benin mun yɛ be o nun-ɔn?’—Amɔ. 7:7, 8.

• Kɛ á kánngan ndɛ’n nun’n, bu sa nga ti yɛ foto nin desɛn’m be o lɛ’n i akunndan. Sɛ be klɛli be su ndɛ’n, kanngan nun. Bu wafa nga be nin ndɛ nga a su kanngan’n be kɔ likawlɛ’n, ɔ nin afɔtuɛ nga be man wɔ’n be akunndan.

• Kɛ a ko wie nun kanngan’n, nian foto nin desɛn mun ekun. Kpɛkun usa ɔ wun kɛ: ‘?Ndɛ cinnjin benin mun yɛ foto nin desɛn sɔ’m be fa min ɲin sie su-ɔ?’ I sin’n, muanmuan ɔ ɲinma’n. Kpɛkun bu foto nin desɛn sɔ mun nin afɔtuɛ nga be man wɔ’n be akunndan.

• Yo nga nian: Foto nin desɛn nga be o fluwa nga nun’n, nian be ekun. Kpɛkun nian sɛ ɔ wla kpɛn fluwa’n i nun ndɛ cinnjin’m be su-o.