Maan e bo like nga e suannin’n su e kle sran uflɛ

Kɛ e suan Biblu’n nun like’n e ɲan su ye. Sanngɛ sɛ e bo like nga e suan’n su e kle e wiengu mun naan é fá wlá be fanngan’n, é ɲán su ye kpa ekun. Ɲanndra Mun 11:25 se kɛ: “Sran ng’ɔ mɛn i wiengu’m be nzue’n bé mɛ́n i nzue wie.”

Kɛ e bo like nga e suan’n su e kle e wiengu mun’n, e wla kpɛn su ndɛndɛ yɛ e wun ndɛ’n i wlɛ kpa ekun. Asa’n kɛ mɔ ndɛ sɔ’m be kwla yo e wiengu’m be ye ti’n, kɛ e bo su kle be’n e di aklunjɔɛ.—Yol. 20:35.

Yo nga nian: Lemɔcuɛ ng’ɔ́ bá lɛ nun’n, mian ɔ ɲin naan bo like nga a suannin’n su kle sran kun. A kwla bo su kle ɔ osufuɛ kun, annzɛ amun asɔnun’n nun aniaan kun, annzɛ ɔ wiengu junman difuɛ kun, annzɛ ɔ wiengu suklu ba kun, annzɛ ɔ mantanfuɛ kun, annzɛ kusu sran kun mɔ kɛ amún bó jasin fɛ’n a wun i’n. Yiyi ndɛ’n nun kɛ nga a fa wun i wlɛ’n sa. Asa’n yiyi nun weinwein naan i wlɛ wunlɛ’n yo pɔpɔ.

Nán ɔ wla fi ndɛ nga su: Bo like nga a suan’n su kle ɔ wiengu mun naan fa wla be fanngan. Nán yo sɔ naan be se kɛ a si like dan.—1 Kor. 8:1.