?Wan yɛ amun kunndɛ kɛ ɔ sie amun-ɔn?—?I su ndɛ benin yɛ Biblu’n kan-ɔn?

Sran’m be fa ajalɛ cinnjin wie mun. Yɛle kɛ be kle sran nga be kunndɛ kɛ be sie be’n.

?I su ndɛ benin yɛ Biblu’n kan-ɔn?

Klɔ sran’m be siefuɛ’m be kwlaman ninnge wie’m be yo

Biblu’n kan like kun mɔ klɔ sran’m be siefuɛ’m be kwlá yoman’n i ndɛ.

• “Nán amun fa amun wla gua sran dandan’m be su, nán amun fa amun wla gua klɔ sran m’ɔ kwlá deman sran’n i su. I wunmiɛn’n wie, ɔ sɛ i sin kaci fa, cɛn kunngba sɔ’n nun’n, ɔ kwlá buman akunndan kun.”—Jue Mun 146:3, 4.

Mɛn siefuɛ ng’ɔ ti kpa bɔbɔ’n ɔ kwla wu. Asa kusu’n, ɔ kwlá seman kɛ san fii sran ng’ɔ́ wá sín i osu’n ɔ́ gúa ninnge kpakpa ng’ɔ yoli be’n be bo.—Akunndanfuɛ’n 2:18, 19.

I kpa bɔbɔ’n, Biblu’n kle kɛ b’a yiman klɔ sran’m be kɛ be sie be bɔbɔ be wun.

• “Klɔ sran m’ɔ su nanti’n, nɛ́n i bɔbɔ yɛ ɔ fata kɛ ɔ kle i ja’n i atin-ɔn.”—Zeremin 10:23.

?E kwla ɲan siefuɛ kpa kun andɛ?

Siefuɛ kun mɔ Ɲanmiɛn i klun jɔ i wun’n

Biblu’n kle kɛ Ɲanmiɛn sieli siefuɛ kpa kun mɔ be kwla lafi i su’n. Siefuɛ sɔ’n yɛle Zezi Klisi. (Jue Mun 2:6) Ɲanmiɛn Sielɛ’n ti awa kun m’ɔ o Ɲanmiɛn su lɔ-ɔ. Yɛ Zezi yɛ ɔ ti i su Famiɛn’n niɔn.—Matie 6:10.

?Á kplín su kɛ Zezi sie-ɔ? Biblu’n kle like nga ti yɛ kosan sɔ’n ti cinnjin’n:

• “Amun manman ba’n [Zezi Klisi]. Sɛ amun a yoman sɔ’n, Ɲanmiɛn fá ya, yɛ amún wú, afin i ya’n ɔ jue ndɛndɛ. Be kwlaa nga be fiɛ i sin’n, be liɛ su ti ye.”—Jue Mun 2:12.

Dɔ nga su yɛ ɔ fata kɛ a fa ajalɛ-ɔ. Biblu’n kle kɛ Zezi boli famiɛn dilɛ bo afuɛ 1914 nun naan ɔ cɛ kan’n Ɲanmiɛn i Sielɛ’n wá sín klɔ sran’m be sielɛ’n i osu.—Daniɛli 2:44.

Sɛ a kunndɛ kɛ á sí like ng’ɔ fata kɛ a yo naan wá súan Zezi i sielɛ’n i bo kpa ekun’n kanngan ndɛ “Maan amun suan Ɲanmiɛn i Famiɛn Dilɛ’n i bo dɔ nga su!” nun.