Politikifuɛ nga be di ndrunmun’n—Like nga Ɲanmiɛn Sielɛ’n wá yó’n

Sran’m be kunndɛ awa kun mɔ be kwla lafi i su-ɔ. Afin politikifuɛ’m b’a laka be wie pɛ. Asiɛ wunmuan’n su’n be usausali sran wie’m be kosan kpɛkun be yili i su fluwa kun afuɛ 2023 nun. Fluwa sɔ nun’n sran kpanngban be seli kɛ, sran nga be kwlá lafiman be su kpafuɛ’n yɛle politikifuɛ mun.a

Biblu’n kan awa kun i su kpɛn’n i ndɛ. I waan be kwla lafi i su afin ɔ di nanwlɛ yɛ ɔ buman sran lufle. Awa sɔ’n yɛle Ɲanmiɛn Sielɛ’n yɛ i su kpɛn’n yɛle Zezi Klisi.—Ezai 9:7.

Zezi yoli ninnge wie mun fa kleli kɛ sran’m be ndɛ lo i. (Matie 9:35, 36) Kɛ m’ɔ ti Ɲanmiɛn Sielɛ’n i su Famiɛn’n ti’n, ɔ́ wá yó sa nuan su sɛsɛsɛ mán be kwlaa nga be suɛn i sielɛ’n i yɛ ɔ́ yó maan bé dí fɔundi tititi.—Jue Mun 72:12-14.