?Ɲanmiɛn Sielɛ’n yó maan asiɛ’n yó kpa ekun?

Be flɛ bian kun kɛ Ingɛɛ Andɛɛsɛnin. Ɔ ti ONU i su kpɛn’n i mantanfuɛ klikli’n yɛ ɔ ti ONU i bue ng’ɔ kpli asiɛ’n i ti’n i su kpɛn. Ɔ seli kɛ: “Asiɛ’n i sacilɛ mɔ w’a saci’n ti’n, sran mun nin asiɛ’n su ninnge onga’m be fɛ. Asa’n aunmuan’n tu dan saci ninnge mun tra laa’n. Ɔ saci sran’m be sua mun nin be ninnge mun mɛn wunmuan’n nun. Kpɛkun jenvie mɔ w’a lo dan’n ti’n, i nun ninnge kpanngban be kwla nunnun.”—Afuɛ 2023, Zuie i le 25.

?Sɛ mɛn’n nun awa’m be kwlaa be bo yo kun’n, be kwla yo maan sa sɔ’m be wie? ?Yɛ sɛ be yo sɔ’n, ɔ́ wíe mlɔnmlɔnmlɔn?

Biblu’n kan awa kun m’ɔ́ yó maan sa sɔ’m bé wíe asiɛ’n su mlɔnmlɔn’n i ndɛ. Ɔ se kɛ: “Ɲanmiɛn m’ɔ o nglo lɔ’n, ɔ́ táka sielɛ kun.” Sielɛ sɔ’n ti awa kun, yɛ ɔ́ síe asiɛ wunmuan’n. (Daniɛli 2:44) Kɛ awa sɔ’n wá síe asiɛ’n, sran mun ‘be su yoman be wiengu i sa fi, yɛ be su saciman like fi asiɛ’n su.’—Ezai 11:9.