?Ɲanmiɛn dunman yɛle Zezi?

Ndɛ nga Biblu’n kan’n

Kɛ Zezi kɛ́n i bɔbɔ ndɛ’n, ɔ seli kɛ ɔ ti “Ɲanmiɛn Wa” annzɛ “Ɲanmiɛn i Wa.” (Zan 10:36; 11:4) Zezi w’a seman le kɛ ɔ ti Ɲanmiɛn Kpli.

I kpa bɔbɔ’n, Zezi srɛli Ɲanmiɛn. (Matie 26:39) Yɛ kɛ ɔ́ klé i sɔnnzɔnfuɛ mun wafa ng’ɔ fata kɛ be srɛ Ɲanmiɛn’n, ɔ seli kɛ: “E Si m’ɔ o ɲanmiɛn su lɔ’n, maan ɔ dunman’n yo sanwun.”—Matie 6:9.

Cɛn kun mɔ Zezi bó ndɛ kun m’ɔ o Ɲanmiɛn Ndɛ’n nun’n su’n, ɔ boli Ɲanmiɛn dunman. Ɔ seli kɛ: “Izraɛlifuɛ mun, amun tie. Zoova ti e Ɲanmiɛn, yɛ Zoova ti kunngba cɛ.”—Marki 12:29; Mmla’n 6:4.