Ezai

15 Be kan ndɛ nga be wɔ Moabu:+

Be sacili Aa+ m’ɔ o Moabu lɔ’n kɔnguɛ kun nun.

I sɔ’n ti’n, ɔ nunnunnin.

Be sacili Kii+ m’ɔ o Moabu lɔ’n kɔnguɛ kun nun,

i sɔ’n ti’n, ɔ nunnunnin.

 2 Ɔ ɔli Sua’n* nun lɔ, yɛ ɔ ɔli Dibɔn,+

ɔ ɔli lika nglonglo’m be nun ko sunnin,

Moabu sun Nebo,+ yɛ ɔ sun Medeba.+

Be kwlaa b’a yi be ti+ nin be akanza mun.+

 3 Be wla bajɛ tralɛ mun i akpɔ’m be su,

be kwlaa be kpan kekle kpa be sua’m be ti su nglo, ɔ nin be gua’m be su,

be gua asiɛ wun gblo yɛ be sun-ɔn.+

 4 Ɛsbɔn nin Eleale+ be kpan,

be ti be nɛn’n Zaazi+ lɔ,

i sɔ’n ti’n, Moabu lɔ sonja’m be yaciman kpanlɛ,

ɔ su usu.

 5 Moabu ti’n, min awlɛn’n kpan,

i sran mɔ be su wanndi’n, be ɔli lele be juli Zoaa+ nin Eglati-Sɛlisia.+

Kɛ bé fú bé kɔ́ Luiti’n nn

bé sún,

kɛ bé kɔ́ Oronaimun’n nn bé kpán, sa yaya m’ɔ juli’n ti.+

 6 Afin Nimunrimun nzue’n w’a wie nun,

ijre mɔnnɛn’n w’a wu kee,

ijre nunman lɛ kun, Ijre mɔnnɛn fi nunman lɛ kun.

 7 I sɔ’n ti’n, be fali be ninnge nga be yiali su’n i ng’ɔ kali lɛ’n, ɔ nin be ninnge kpakpa mun be ɔli,

be sinnin peplie kongo’n nun.

 8 Afin be ti be kpanlɛ Moabu mɛn’n i kwlaa nun,+

be kpanlɛ’n ju Eglaimun,

be kpanlɛ’n ju Beɛ-Elimun.

 9 Afin Dimɔn nzue’n w’a yo mmoja ngunmin,

yɛ ń má fá sa uflɛ wie mun ekun ń yí i Dimɔn su:

Asɔmɔli wie’m bé tɔ́ Moabufuɛ nga bé wánndi’n be su,

ɔ nin be nga bé ká mɛn’n nun’n be su.+