?Ngue like yɛ ɔ fata kɛ amun yo ɔ?

50 ?Amún kúnndɛ kɛ amún ɲán anannganman nguan mɛn klanman sɔ’n nun wie?

Sɛ ɔ ti sɔ’n, ɔ fata kɛ amun uka amun Ɲanmiɛn Kpli i ndɛ’n i silɛ’n su. Amun suan Biblu’n nun kannganlɛ be nian.—Zan 17:3; Sa Nglo Yilɛ 1:3.

51 Amun suan Zezi su ninnge kaka kpa ekun.—Mmla’n 18:18, 19; Zan 3:16; Sa Nga Be Yoli’n 3:19-23.

52 Amun mian amun ɲin’n be yo ninnge kpakpa ngunmin naan amun ɲin’n yi Zoova.—Rɔmfuɛ Mun 6:17, 18, 22.

53 Maan ɔ kpɛn amun klun! Zoova waan nán e kun sran fi.—Lɔ Tulɛ 20:13; 1 Zan 3:11, 12.

54 Ɔ fataman kɛ e fa like nga ɔ ti sran uflɛ liɛ’n.—Lɔ Tulɛ 20:15; Efɛzfuɛ Mun 4:28.

55 Ɔ fataman kɛ sran yasua kun nin bla nga ɔ timɛn i yi’n, be tran, naan ɔ nin i be la.—Lɔ Tulɛ 20:14, 17; 1 Tɛsalonikfuɛ Mun 4:3.

56 ?Bla nga Ɲanmiɛn Kpli man sran yasua kun atin kɛ ɔ fa’n, i nuan’n te o amun klun? ?Afuɛ nɲɛ yɛ ɔ fata kɛ sran yasua kun nin i yi’n be tran ɔn?—Bo Bolɛ 2:22, 24; Matie 19:5, 6; 1 Korɛntfuɛ Mun 7:2, 10, 11.

57 Maan ɔ kpɛn e klun wie kɛ Zoova kunngba cɛ yɛ ɔ fata kɛ e sui ɔ.—Matie 4:10; 1 Korɛntfuɛ Mun 8:6.

58 ?Waka sran nin fafuɛ’m be kwlá ukaman e. Ngue ti ɔ?—1 Korɛntfuɛ Mun 8:4.

?E wun waka sran sielɛ’n ti kpa?—Mmla’n 27:15; 1 Zan 5:21.

59 ?Ngue ti yɛ amuɛn ba mun e wun sielɛ’n nin amuɛn tolɛ’n timan kpa’n niɔn?—Mmla’n 18:10-13; Sa Nglo Yilɛ 21:8.

60 Mmusu mun, annzɛ anzi klunwifuɛ’m be yoli ɲin kekle Ɲanmiɛn Kpli su. Be fa wunnzue yifuɛ’m be laka sran mun.—Sa Nga Be Yoli’n 16:16.

61 Ɔ fata kɛ e srɛ Ɲanmiɛn Kpli. I bo’n yɛle kɛ e kan ndɛ e kle, e se i kɛ e kunndɛ kɛ é súi, naan ɔ uka e.—Filipfuɛ Mun 4:6, 7.

62 Ɔ fata kɛ e ɲin’n yi Zezi, naan e lafi i su.—Ebre Mun 5:9; Zan 3:16.

63 Nán ɔ fi amun wla kɛ e ti delɛ ti yɛ Zezi wuli ɔ.—Rɔmfuɛ Mun 5:8.

64 Maan ɔ kpɛn amun klun kɛ Zezi yɛ ɔ ti e famiɛn’n mɔ e kwlá wunmɛn i wun’n niɔn. Maan e ɲin’n yi i.—Filipfuɛ Mun 2:9-11; Sa Nglo Yilɛ 19:16.

65 Zezi seli kɛ ɔ fata kɛ amun kle sran’m be ninnge kaka kpa nga amun suan’n wie, naan be nga be kunndɛ kɛ bé sú Ɲanmiɛn Kpli’n, be yo be batɛmu.—Matie 28:19, 20; Zan 4:7-15.

66 Amun kwla kan wie kle amun janvuɛ mun.—Matie 10:32.

67 Sɛ amun suan fluwa nun kannganlɛ kpa’n amun kwla si ninnge uflɛ kpanngban ekun, kpɔkun amún kwlá úka sran uflɛ mun kpa.—2 Timote 2:15.

68 Zezi kleli mantuan kanngan’m be Ɲanmiɛn Kpli i ɲin yilɛ’n. W’a seman le kɛ ɔ ɲɛnmɛn i ti naan ɔ nin be w’a ijɔ.—Matie 19:13-15.

69 Ɔ fata kɛ titi’n, siɛ nin niɛn’m be kle be mma’m be Ɲanmiɛn Kpli i ɲin yilɛ’n, ɔ nin i sa klolɛ’n.—Mmla’n 6:6, 7; Ɲanndra Mun 6:20-22; Efɛzfuɛ Mun 6:4.

70 Asɔnun kɔwlɛ i fanunfanun’m b’a sɔn. Ninnge nga be kle’n, i dan lika’n finman Biblu’n nun. Zoova se e kɛ asɔnun nga be diman nanwlɛ nun’n, e fin nun e fite.—Sa Nglo Yilɛ 18:4; Zan 4:23, 24.

71 Zoova le i sufuɛ mun asiɛ’n su wa, be kwla kle amun i su ninnge wie ekun. ?Amun si i sufuɛ sɔ mun?—Sa Nga Be Yoli’n 15:14; Rɔmfuɛ Mun 10:14, 15.

72 Zoova i Lalofuɛ mun ɔn. Aklunjuɛ o be afiɛn’n. ?Amun si like ti’n? Be klo be wiengu sa’n ti ɔ.—Ezai 43:10-12, NW; Zan 13:34, 35.

73 Kusu kɛ mɔ be klo Zoova sa’n ti’n, be yo be batɛmu. I sɔ yɛ be yo’n, yɛ maan sran kwlakwla si kɛ b’a yaci be ayeliɛ tɛtɛ’n, naan be kunndɛ bé sú Ɲanmiɛn Kpli, be nguan cɛn wunmuan nun ɔn.—Sa Nga Be Yoli’n 2:41.

74 Zoova i Lalofuɛ’m be lafi su kɛ bá trán mɛn klanman uflɛ nun.—Jue Mun 37:9-11, 29.

?Ngue yɛ amun kwla yo naan amun nin be a tran nun wie ɔ?—Zak 1:22, 25; 2:20-26.

75 Amun nin be yia naan amun a suan Zoova sulɛ. Be klo Zoova nin Zezi Klist be sa’n kpɔkun be ɲin’n yi be. ?Amun klo Ɲanmiɛn Kpli nin Zezi be sa’n? ?Amun klo kɛ amún úka sran uflɛ, naan ɔ si Ɲanmiɛn Kpli’n?—Zan 6:45-47.

76 Zoova nin Zezi Klist be klo amun sa’n, be kunndɛ kɛ amun ɲan anannganman nguan mɛn klanman’n nun.—Zan 3:16.

Nanwlɛ, ninnge nga amun suɛnnin fluwa kaan nga nun desɛn’m be nianlɛ nun’n, be ndɛ nga be klɛ be wun lɛ’n, be yoli maan amun kɔnvi sɔɔ anannganman nguan nin aunjuɛ asiɛ’n su, i ɲanlɛ’n. Sɛ amun kunndɛ kɛ amun si i nun ndɛ’n wie ekun’n, amun kan kle amun akpasua su lɔ Zoova i Lalofuɛ kun. I kusu, amun kwla klɛ biolo ng’ɔ mantan amun wun koko lɔ’n, annzɛ amun kwla se sran uflɛ kɛ ɔ klɛ man amun. Amun nian adrɛsi nga be o fluwa kaan nga, i lika nuan nɲɔn su’n i nun.