Calendrier des Témoins de Jéhovah 2011 fa e ɲin sie i awlobofuɛ’m be Ɲanmiɛn sulɛ’n su
Awlobofuɛ’m be Ɲanmiɛn sulɛ’n, i ndɛ yɛ Calendrier des Témoins de Jéhovah 2011, ɔ kan ɔn. Kananndrie sɔ’n nun’n, be yili e blɛ liɛ’n nun awloboawlobo’m be foto. Kpɛkun i nun nga bé klɛ́ Biblu’n, blɛ sɔ nun awloboawlobo’m be foto wo nun wie. Asa, Zoova i sufuɛ nga be nin a jaman bla annzɛ bian’n, ɔ nin nga b’a ja wie mɔ be su suan Ɲanmiɛn Ndɛ’n, be foto wo nun wie.
Sran nga Biblu’n kan be ndɛ mɔ é wá wún be kananndrie nun’n, be ti sran mɔ be kloli Zoova i Ndɛ’n niɔn. I sɔ’n ti’n, kɛ sa kekleekle’m be tɔli be su’n, be jrannin kekle. (Jue. 1:2, 3) Sɛ e awlofuɛ’m be sɔnnin annzɛ b’a sɔnman o, sɛ e nin be yɛ e su Ɲanmiɛn likawlɛ annzɛ be le be Ɲanmiɛn sulɛ wafa liɛ o, kananndrie sɔ’n úka e. Yɛle kɛ, i nun foto’m bé kpɛ́n e wla ekun kɛ awlo lɔ Ɲanmiɛn sulɛ’n ti cinnjin kpa. Kananndrie sɔ su’n, be sieli lika kun mɔ e kwla klɛ cɛn nga i nun yɛ e nin e awlobofuɛ mun e su Ɲanmiɛn awlo lɔ’n. ?Amun a klɛ amun cɛn liɛ’n, lika sɔ nun?