Le mɔcuɛ m’ɔ bo i bo Desamblu i le 27 i siesielɛ
LE MƆCUƐ M’Ɔ BO I BO DESAMBLU I LE 27
□ Asɔnun’n i Biblu’n nun like suanlɛ:
sp like suanlɛ 5, bue 13-14
□ Ɲanmiɛn junman dilɛ suklu:
Biblu’n nun kannganlɛ: 2 Be Nyoliɛ 25-28
Ɲanmiɛn junman dilɛ suklu’n i nun flanlɛ
□ Junman dilɛ aɲia:
Min 5: Jasin mun. Maan jasin bofuɛ’m be fa be rapɔru’m be man. “Calendrier des Témoins de Jéhovah 2011 fa e ɲin sie i awlobofuɛ’m be Ɲanmiɛn sulɛ’n su.” Ijɔlɛ.
Min 10: Ndɛ nga é kɛ́n i jasin fɛ’n bolɛ nun’n, sɛ e jɛjɛ i weinwein e ti nun’n, ɔ kwla uka e kpa. Ijɔlɛ nin nzrafuɛ’m be kosan usalɛ. Ɔ taka fluwa École du ministère i bue 166 § 5-167 § 4 su. Sran i ngunmin ijɔlɛ: Ɔ taka anglo ng’ɔ́ bá lɛ nun fluwa nga é wá fá mán’n i su. Kwlaa naan jasin bofuɛ’n w’a fite’n, ɔ fa blɛ kan bu ndɛ ng’ɔ klo kɛ ɔ́ kɛ́n i jasin bowlɛ nun lɔ’n, i akunndan.
Min 10: Be ti je’n ti kɛ famiɛn kle sa. (Nya. 16:31) Ijɔlɛ nin nzrafuɛ’m be kosan usalɛ. Ɔ taka Annuaire 2010 i bue 110 § 2-4 su. Kɛ a nin nzrafuɛ’m be ko wie fluwa’n i nun ndɛ fɛ be nun kun nun yiyi’n, se be naan be kle afɔtuɛ nga i sɔ’n man be’n.
Min 10: Maan e siesie e wun naan Zanvie anglo’n nun’n, e fa periodiki mun e man. Ijɔlɛ nin nzrafuɛ’m be kosan usalɛ. Fa miniti kun annzɛ nɲɔn bo periodiki’m be nun ndɛ’m be su. I sin’n, fa ɔ ɲin sie ndɛ akpasua nɲɔn annzɛ nsan su. Yɛ usa nzrafuɛ mun naan be kle kosan nga be kwla usa’n ɔ nin Biblu’n nun ndɛ mma nga be kwla kanngan nun’n, fluwa’n i fa manlɛ nun’n. Wafa nga be kwla fa periodiki’m be man’n, maan be yi i nglo kunngunngun.